بھارتی حکومت مہاتما گاندھی کے قاتل گوڈسے کی پیروکار ہے : فواد چوہدری

اسلام آباد: وفاقی وزیر برائے سائنس و ٹیکنالوجی فواد چوہدری کا کہنا ہے کہ آج بھارتی حکومت مہاتما گاندھی کے قاتل گوڈسے کی پیروکار ہے، مہاتما گاندھی یہ دیکھ کر دکھی ہوں گے کہ بھارت میں انتہا پسند حکومت ہے۔

تفصیلات کے مطابق وفاقی وزیر برائے سائنس و ٹیکنالوجی فواد چوہدری نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ آج برصغیر کے عظیم لیڈر مہاتما گاندھی کی سالگرہ ہے، مہاتما گاندھی یہ دیکھ کر دکھی ہوں گے کہ بھارت میں انتہا پسند حکومت ہے۔

یہ بھی پڑھیں : بد قسمتی سے ہم نے یونیورسٹیوں کے بجائے مدرسے بنائے : فواد چوہدری

فواد چوہدری کا کہنا تھا کہ آج بھارتی حکومت مہاتما گاندھی کے قاتل گوڈسے کی پیروکار ہے، وزیر اعظم مودی اور ان کے ساتھی آر ایس ایس فلسفے کی توسیع ہیں۔

Today is a Birthday of Mahatma Gandhi, a great leader of subcontinent,its so sad to see that today India is under an extremist regime. These fellows represent legacy of Godse murderer of Gandhi G. PM Modi and his regime is nothing but extension of RSS philosphy. #Gandhi

— Ch Fawad Hussain (@fawadchaudhry) 2 octobre 2019

اس سے قبل ایک موقع پر ان کا کہنا تھا کہ بھارت مقبوضہ کشمیر میں ریاستی دہشت گردی کر رہا ہے، کشمیر کے معاملے پر دنیا پر انحصار نہیں کر سکتے، کشمیر کی جنگ خود لڑنا ہے۔

فواد چوہدری کا کہنا تھا کہ چین اور ترکی کے شکر گزار ہیں، انہوں نے پاکستان کا ساتھ دیا۔ مقبوضہ کشمیر میں تمام لیڈر شپ کو بند کر دیا گیا ہے، پوری کشمیری قوم نے مودی کے جارحانہ اقدام کو مسترد کردیا ہے۔

وفاقی وزیر نے مزید کہا تھا کہ پاکستان عراق یا افغانستان نہیں، بھارت کو منہ توڑ جواب دیں گے، دنیا کی بڑی فوج پاکستان کے پاس ہے، کرتار پور پر بھی بھارت کے ساتھ معاملات بہتر کرنے کے لیے کوشاں ہیں۔