آزاد کشمیر زلزلہ، متاثرین کی بحالی تک چین سے نہیں بیٹھیں گے : فردوس عاشق

اسلام آباد: فردوس عاشق اعوان نے کہا ہے کہ وزیراعظم عمران خان کے دورہ سے زلزلہ سے متاثرہ کشمیری عوام کو نیا حوصلہ ملا ہے۔ متاثرین کی بحالی تک چین سے نہیں بیٹھیں گے۔

وزیر اعظم کی معاون خصوصی ڈاکٹر فردوس عاشق اعوان نے سماجی میڈیا پر اپنے بیان میں کہا ہے کہ وزیراعظم عمران خان کے دورہ سے زلزلہ سے متاثرہ کشمیری عوام کو نیا حوصلہ ملا ہے۔ ان کی امداد اور بحالی تک تعاون کا سلسلہ بھرپور انداز سے جاری رہے گا۔

انہوں نے کہا کہ جانبحق افراد کے لواحقین کو مالی امداد کی فراہمی سے زلزلہ متاثرین کی بحالی میں مدد ملے گی۔ گھروں، مال مویشیوں کیلئے زرتلافی سے متاثرین کے نقصانات کا ازالہ ممکن ہوگا۔

یہ بھی پڑھیں : وزیر اعظم کی تقریر کی پذیرائی ثبوت ہے کہ وہ مشن کشمیر میں کامیاب ہوئے : فردوس عاشق

فردوس عاشق نے کہا کہ متاثرہ علاقوں میں بچوں کی تعلیم کا سلسلہ جاری رکھنے کیلئے خصوصی اقدامات کیے جارہے ہیں، ساتھ ساتھ خواتین کی سہولیات کے بھی اقدامات کئے گئے ہیں۔

معاون خصوصی کا کہنا تھا کہ وفاقی حکومت جاں بحق لواحقین کو 5 لاکھ روپے فی کس دے گی۔ مکمل تباہ ہونے والوں مکانوں کیلئے 2 لاکھ جبکہ جزوی متاثرہ مکانات کا معاوضہ 1لاکھ روپے دیا جائے گا۔ 38 اسکولوں کیلئے بڑے ٹینٹ فراہم کیے جا رہے ہیں۔

وفاقی حکومت جاں بحق لواحقین کو 5لاکھ روپے فی کس دے گی ۔ مکمل تباہ ہونے والوں مکانوں کیلئے 2لاکھ جبکہ جزوی متاثرہ مکانات کا معاوضہ 1لاکھ روپے دیا جائے گا ۔ 38سکولوں کیلئے بڑے ٹینٹ فراہم کیے جا رہے ہیں ۔

— Firdous Ashiq Awan (@Dr_FirdousPTI) October 1, 2019

ان کا کہنا تھا کہ زلزلہ سے متاثر ہونے والی سڑکوں کی تعمیر پنجاب حکومت کی ذمہ داری ہوگی جبکہ زخمیوں کی مدد کیلئے پاکستان بیت المال بھی حصہ ڈالے گا۔ متاثرین کی بحالی تک چین سے نہیں بیٹھیں گے۔

ان کا یہ بھی کہنا تھا کہ زلزلہ سے متاثرہ علاقوں میں انفراسٹرکچر کی بحالی کا تخمینہ 1200 ملین لگایا ہے۔ زلزلہ میں تاجر برادری کو 50 ہزار روپے فی دکان جبکہ جزوی طور پر متاثر ہونے والی دکان کے مالک کو 25 ہزار روپے دیے جائیں گے۔ حکومت 50 ہزار روپے فی مویشی مدد فراہم کرے گی۔