نو ڈیل، نو کمپرومائز، وزیراعظم کا ایک بار پھر دو ٹوک مؤقف

اسلام آباد: وزیر اعظم عمران خان نے کسی بھی قسم کی ڈیل کے امکانات کو ایک بار پھر مسترد کرتے ہوئے دو ٹوک مؤقف اپنایا کہ نو ڈیل نو کمپرومائز۔ کسی ڈیل کا سوال ہی پیدا نہیں ہوتا ہے۔

وزیراعظم عمران خان سے بابر اعوان سے ملاقات کی جس میں حکومت کے آئینی اور قانونی معاملات پر بھی تفصیلی تبادلہ خیال کیا گیا۔

یہ بھی پڑھیں : ڈیل کرنا ہوتی تو آج نواز شریف جیل میں نہ ہوتے، کل فیصل آباد ضرور جاؤں گی: مریم نواز

ذرائع کے مطابق وزیراعظم نے ایک بار پھر کسی بھی قسم کی ڈیل کے امکانات مسترد کردیا اور ’نوڈیل نو کمپرومائز‘ کا دو ٹوک مؤقف اپنایا۔

ذرائع کے مطابق وزیراعظم عمران خان نے کہا کہ احتساب کا عمل اسی طرح جاری رہےگا، پہلی مرتبہ احتساب کا عمل سیاسی مداخلت سے آزاد ہے، احتساب کا عمل شفاف اور بےلاگ ہے جو جاری رہے گا۔

ذرائع نے بتایا کہ وزیراعظم نے مقبوضہ کشمیر سے متعلق کہا کہ پوری توجہ کشمیر کاز پر مرکوز ہے، جنرل اسمبلی میں خطاب اہم ہوگا۔

وزیراعظم سے ملاقات میں بابر اعوان کا کہنا تھا کہ کشمیرکے معاملے پر حکومت کی جارحانہ حکمت عملی درست اقدام ثابت ہوا، پہلی بار کامیاب خارجہ پالیسی کے باعث پوری دنیا میں کشمیر کا مقدمہ سنایا گیا۔

بابر اعوان نے مزید کہا کہ ڈیل کی خبریں پھیلانے والوں کو مایوسی ہو گی۔ احتساب کا عمل جلد قوم کے سامنے مثبت ثمرات لائے گا۔