وزیراعلیٰ پنجاب نے پنجاب ہاؤس مری اور گورنر انیکسی کو عوام کے لیئے کھول دیا

لاہور : وزیراعلیٰ پنجاب نے پنجاب ہاؤس مری اور گورنر انیکسی کو عوام کے لیئے کھولنے کا اعلان کردیا ہے۔ ان کا کہنا ہے کہ سرکاری عمارتوں کو عوام کے لئے ریسٹ /گیسٹ ہاؤسز میں بدلنا وی آئی پی کلچر کے خاتمے کی جانب اقدام ہے۔

وزیراعلیٰ پنجاب سردار عثمان بزدار نے پنجاب ہاؤس مری اور گورنر انیکسی (فاریسٹ ریسٹ ہاؤس بھوربن) کو بھی عوام کیلئے کھولنے کا فیصلہ کرلیا ہے۔

یہ بھی پڑھیں : وزیراعلیٰ پنجاب کے ترجمان شہباز گل مستعفیٰ، مشیر کو عہدے سے ہٹایا دیا گیا

پنجاب ہاؤس مری اور گورنر انیکسی کو 16 ستمبر کو عوام کے لئے کھول دیا جائے گا۔عوام رقم ادا کر کے قیام کر سکیں گے۔ پنجاب ہاؤس اور گورنر انیکسی کے کمرے لوگوں کو کرائے پر حاصل کر نے کی سہولت ہوگی۔

گورنمنٹ ہاؤس مری کو ایک ماہ میں تقریباً 10 لاکھ روپے کی آمدن ہوئی۔ گورنمنٹ ہاؤس مری کو کچھ عرصہ قبل ہی عوام کے لئے اوپن کیا گیا تھا۔

اس حوالے سے عثمان بزدار کا کہنا تھا کہ پنجاب حکومت پہلے بھی مختلف محکموں کے 177 ریسٹ / گیسٹ ہاؤسز کو عوام کیلئے کھول چکی ہے۔ سرکاری عمارتوں کو عوام کے لئے ریسٹ /گیسٹ ہاؤسز میں بدلنا وی آئی پی کلچر کے خاتمے کی جانب اقدام ہے۔

انہوں نے کہا کہ اس اقدام سے سرکاری ریسٹ/گیسٹ ہاؤسز کو آمدن بھی حاصل ہوگی۔ عوام کو سیاحتی مقامات پر بہترین سہولتوں سے آراستہ ریسٹ / گیسٹ ہاؤسز میں قیام کی سہولت ملے گی۔