آج یوم فضائیہ جوش و جذبے سے منایا جا رہا ہے

کراچی : ملک بھر میں آج یوم فضائیہ جوش و جذبے سے منایا جا رہا ہے۔ 1965 کی پاک بھارت جنگ میں پاک فضائیہ کے سنہری کارناموں کی لازوال داستان ہیں۔

اس کی یاد میں ہر سال 7 ستمبر کو یوم فضائیہ منایا جاتا ہے۔ جنگ ستمبر میں پاکستانی جہازوں نے صرف 24 گھنٹے میں جرات و شجاعت اور مہارت کی ناقابل فراموش تاریخ رقم کی۔

یہ بھی پڑھیں : ملک بھر میں یوم دفاع یوم یکجہتی کشمیر کے طور پر منایا جا رہا ہے

65 کی جنگ میں پاک فضائیہ نے ایف 12، اسٹار فائٹرز، سیبر، اور کینبرا طیاروں کے ذریعے اپنے سے کئی گناہ بڑے دشمن کا مقابلہ کیا۔

وقت گزرا تو پاک ایئر فورس بھی جدید ٹیکنالوجی سے لیس ہو گئی۔ ادارے کے پاس اس وقت ایف سیون، میراج تھری، میراج، میراج فائیو، ایف سولہ اور جے ایف تھنڈر لڑاکا طیارے شامل ہیں۔

Pakistan Air Force duo who shot down Indian Air Force Mig-21 and Su-30 MKI aircrafts will be publicly honored on the 7th September..#DefenceDay #PAF pic.twitter.com/gLrnkb8GKw

— MUL Trolls (@minhajians_) September 6, 2019

پاک فضائیہ میں شامل جے ایف تھنڈر طیارے کا سن کر دشمن پر خوف طاری ہو جاتا ہے۔

54 سال قبل ایم ایم عالم ، سرفراز احمد رفیقی شہید نے دشمن کے دانت کھٹے کئے تھے اور رواں برس 27 فروی کو اسکواڈرن لیڈر محمد حسن علی اور ونگ کمانڈر نعمان علی نے دو بھارتی طیاروں کو زمین بوس کردیا۔

پاک فضائیہ نے ہر موقع پر دشمن کا غرور ملیا میٹ کرکے ثابت کردیا کہ اقبال کے شاہین ہمیشہ جھپٹ کر پلٹتے اور پلٹ کر جھپٹتے رہیں گے۔