کراچی کے 3 ہزار سے زائد نجی تعلیمی اداروں کو ٹیکس نوٹسز جاری

کراچی : ایف بی آر نے 3 ہزار سے زائد نجی اسکولز کالجز اور جامعات اور دیگر اداروں کو نوٹسز جاری کردئیے۔

تفصیلات کے مطابق ایف بی آر نے کراچی کے 3 ہزار سے زائد غیر رجسٹرڈ نجی اسکولز کے اداروں ، کالجز اور جامعات کو نوٹسز جاری کردیے، جبکہ 228 گارمنٹس شاپس اور 486 ریسٹ ورنٹس کو بھی نوٹسز جاری کیے گئے ہیں۔

ریجنل ٹیکس آفس ٹو کراچی کے چیف کمشنر بدرالدین قریشی کا کہنا ہے کہ کے الیکٹرک کے 6 ہزار اورایس ایس جی سی کے 8 ہزار سے زائد صنعتی اور کمرشل صارفین ٹیکس نیٹ میں شامل نہیں ہیں۔

مزید پڑھیں : ایف بی آر کو ٹیکس وصولیوں میں مشکلات کا سامنا

انہوں نے کہا کہ حاصل کردہ ڈیٹا میں ایسے لوگ شامل تھے، جن میں ایک فرد کے نام پر 10، 10 میٹرز تھے، جس کے بعد کے الیکٹرک کے غیر رجسٹرڈ صارفین کی تعداد 2.5 لاکھ اور سوئی سدرن گیس کمپنی کے 6 ہزار صارفین سامنے آئے ہیں۔

بدر الدین قریشی نے بتایا کہ ایف بی آر نے نادرا، بینکس اور ایکسائز ڈیپارٹمنٹ سے معلومات حاصل کیں تو 10 ہزار ایسے افراد سامنے آئے جن کے پاس پراپرٹیز ہیں اور ان کی بینک ٹرانزیکشنز بھی کروڑوں روپے میں ہیں، ان 10 ہزار میں سے بیشتر افراد کے پاس لگڑری گاڑیاں بھی ہیں۔

ان کا کہنا تھا کہ ایک ایسا فرد بھی سامنے آیا جس کے نام پر 2400 سی سی کی 9 گاڑیاں ہیں، جس کے بارے میں شبہ ہے کہ ایڈریس بھی جعلی ہے، ان تمام افراد کو ایف بی آر کی جانب سے آٹو نوٹسز جاری کردیئے گئے ہیں۔

چیف کمشنر کا کہنا تھا کہ کراچی میں پہلے فیز میں 30 اور دوسرے میں فیز میں 20 اسپتالوں  کے اداروں کو نوٹس جاری کیے گئے، اور اسپتالوں سے کام کرنے والے ڈاکٹرز کا ڈیٹا طلب کیا گیا ہے۔

انہوں نے کہا کہ ریسٹورینٹ والے 13 فیصد سروس ٹیکس چارج کرتے ہیں، مگر ادا نہیں کرتے ہیں، ہائی موبائل بلنگ صارفین کا ڈیٹا موبائل کمپنیز سے مانگا گیا مگر انہوں نے انکارکر دیا اور ہمیں پی ٹی اے سے رابطہ کرنے کا کہا گیا ہے۔

انہوں نے مزید کہا کہ گزشتہ ہفتے ڈھائی لاکھ سے زائد نوٹسز جاری کیے گئے تھے، ایف بی آر نے پہلے مرحلے میں نوٹسزجاری کیے ہیں ان کے ریٹرن جمع کرانے کے بعد مزید تحقیقات کی جائے گی، پچھلے سال کے مقابلے میں رواں سال 45 فیصد ٹیکس وصولیوں میں اضافہ ہوا ہے۔

FBR teams today visited Dolman Centre, Karachi, Emporium Mall Lahore, Centaurus Mall, Islamabad as a part of tax expansion and anti smuggling drive. On behalf of FBR I thank for courtesy and cooperation. Let us develop ‘tax culture’ in the country. Drive will continue and expand

— Syed Shabbar Zaidi (@ShabarZaidi) September 2, 2019