پاکستان ٹیسٹ رینکنگ میں تاریخ کی نچلی ترین سطح پر آگیا

بنگلہ دیش کے خلاف سیریز میں شرمناک شکست کے بعد پاکستان آئی سی سی ٹیسٹ ٹیم رینکنگ میں 1965 کے بعد سے نچلی ترین سطح پر جا پہنچا ہے۔

بنگلہ دیش نے پاکستان کو دوسرے ٹیسٹ میچ میں 6 وکٹوں سے شکست دے کر سیریز میں نہ صرف پہلی بار کامیابی حاصل کی بلکہ پاکستان کو وائٹ واش کا بھی سامنا کرنا پڑا۔

جیت کے لیے 185 رنز کے ہدف کے تعاقب میں مہمان ٹیم نے پانچویں اور آخری دن چائے سے 25 منٹ قبل چار وکٹوں کے نقصان پر ہدف حاصل کیا اور سیریز 2-0 سے اپنے نام کی۔

بنگلہ دیش کے ہاتھوں مسلسل شکست کے بعد ٹیم چھٹے نمبر سے دو درجے نیچے چلی گئی اور مجموعی طور پر 76 ریٹنگ پوائنٹس کے ساتھ چھٹے نمبر سے دو درجے نیچے چلی گئی۔

آئی سی سی کی ویب سائٹ پر جاری بیان میں کہا گیا ہے کہ بنگلہ دیش کے ہاتھوں سیریز میں شکست کے بعد پاکستان آئی سی سی ٹیسٹ ٹیم رینکنگ میں دو درجے تنزلی کے بعد آٹھویں نمبر پر آگیا ہے۔

سیریز سے قبل قومی ٹیم رینکنگ ٹیبل میں چھٹے نمبر پر تھی لیکن لگاتار شکستوں کی وجہ سے ویسٹ انڈیز سے نیچے 76 ریٹنگ پوائنٹس کے ساتھ آٹھویں نمبر پر آ گئی۔

اس کے علاوہ بنگلہ دیش نے آئی سی سی مینز ٹیسٹ ٹیم رینکنگ ٹیبل میں 13 ریٹنگ پوائنٹس حاصل کرلیے ہیں تاہم وہ اب بھی پاکستان سے نیچے نویں نمبر پر موجود ہے۔