ہاکی ٹیم 3 کھلاڑی یورپ میں سلپ، سیاسی پناہ کی درخواست دیدی

پاکستان ہاکی ٹیم کے 3 کھلاڑیوں اور فریو نے مبینہ طور پر یورپ جاکر سیاسی پناہ کی درخواست جمع کروادی۔

سیکرٹری پی ایچ ایف اولمپئین رانا مجاہد علی نے لاہور میں ہنگامی پریس کانفرنس میں بتایا کہ قومی ہاکی ٹیم کے 3 کھلاڑی اور فزیو ٹیم کے ساتھ پولینڈ گئے اور وطن واپس نہیں آئے۔

اطلاع ہے کہ تینوں پلئیرز اور فزیو نے بیرون ملک سیاسی پناہ کیلئے درخواست دی ہے۔

مزید پڑھیں: کرسٹیانو رونالڈو ریٹائرمنٹ کب لیں گے؟ اسٹار فٹبالر نے بتا دیا

انہوں نے کہا کہ تینوں کھلاڑیوں کو ایشین چیمپئنز ٹرافی کی تیاریوں کیلئے کیمپ میں مدعو کیا گیا تھا، جن میں مرتضیٰ یعقوب، احتشام اسلم اور عبدالرحمٰن شامل تھے۔
رانا مجاہد علی نے کہا کہ تینوں کھلاڑیوں نے لیٹر لکھ کر کیمپ میں آنے سے معذرت کی تھی۔

مزید پڑھیں: فیفا ورلڈ کپ 2026، ارجنٹائن کو بڑا دھچکا

اطلاعات کے مطابق تینوں کھلاڑی بغیر این او سی کے بیرون ملک گئے لہذا کانگریس کی منظوری سے تینوں کھلاڑیوں اور فزیو وقاص پر تاحیات پابندی لگادی گئی ہے۔

سیکرٹری پی ایچ ایف نے کہا کہ ہم ان کھلاڑیوں کے معاملے پر مزید کارروائی کیلئے وزارت داخلہ کو لیٹر لکھیں گے۔