مودی کے بھارت میں مسلمانوں کیلئے نمازِ جمعہ کا وقفہ ختم

ہندو انتہا پسند بھارتی وزیراعظم نریندر مودی نے مسلمان دشمن پالیسی کے تحت ریاست آسام میں نمازِ جمعہ کا وقفہ ختم کرنے کا اعلان کردیا۔

میڈیا رپورٹس کے مطابق آسام میں ہندو انتہا پسند حکمراں جماعت بھارتیہ جنتا پارٹی وزیراعلیٰ ہمانتا بسوا سرما نے آسام کی قانون ساز اسمبلی میں جمعہ کی نماز کیلئے مختص 2 گھنٹے کے وقفے کو منسوخ کرنے کا اعلان کرتے ہوئے اسے پیداواری صلاحیت بڑھانے کی طرف قدم قرار دیا۔

حکمراں جماعت نے مسلمانوں کے جذبات کو ٹھیس پہنچانے کیلئے اعلان جمعہ کے روز کیا اور پرانی شق ختم کردی، جس میں مسلمان اراکین اسمبلی سمیت عملے کے ارکان کو نمازِ جمعہ کی ادائیگی کیلئے وقفہ کرنے کی اجازت تھی۔

مزید پڑھیں: بھارت مخالف پوسٹ لائک کرنے پر بنگلادیشی طالب علم کو ملک سے نکال دیا

بی جے پی کے وزیراعلیٰ کا کہنا تھا کہ نمازِ جمعہ کے 2 گھنٹے کے وقفے کو ختم کر کے آسام اسمبلی نے پیداواری صلاحیت کو ترجیح دی۔

واضح رہے کہ آسام اسمبلی میں مسلمان اراکین کیلئے نمازِ جمعہ کے وقفےکا رواج مسلم لیگ کے سید سعد اللہ نے 1937 میں متعارف کرایا تھا۔