واٹس ایپ کا تصاویر میں تبدیلی کیلئے نیا فیچر متعارف

میٹا نے واٹس ایپ میں مصنوعی ذہانت (اے آئی) کے استعمال سے تصاویر میں تبدیلی کیلئے نیا فیچر متعارف کرا دیا۔

میٹا نے مصنوعی ذہانت (اے آئی) کو واٹس ایپ اور انسٹاگرام جیسی مختلف ایپس کا حصہ بنایا ہے جس میں اے آئی نامی اسسٹنٹ کے ساتھ، آپ سوالات کے جوابات حاصل کرسکتے ہیں اور تصاویر بنا سکتے ہیں۔

اب اس اے آئی اسسٹنٹ کو کمپنی کی جانب سے مزید بہتر بنایا گیا ہے۔ صارفین اب صوتی احکامات کے ذریعے میٹا اے آئی بھی استعمال کرسکیں گے۔

کمپنی نے یٹیٹا کنیکٹ کانفرنس میں کہا کہ یہ اے آئی اسسٹنٹ جان سینا جیسی مختلف مشہور شخصیات کی آواز کی نقل کرکے آپ سے بات چیت کرے گا۔

مزید پڑھیں:واٹس ایپ صارفین کے لیے ’میموری‘ فیچر لے آیا

وائس چیٹ سپورٹ کے ساتھ ساتھ واٹس ایپ اور انسٹاگرام پر ایک نیا امیج فیچر بھی بن رہا ہے۔ اس فیچر کی مدد سے صارفین انسٹاگرام، واٹس ایپ اور میسنجر میں میٹا اے آئی کا استعمال کرتے ہوئے تصاویر میں ترمیم اور تبدیلی کرسکیں گے۔

اسی طرح، میٹا اے آئی تصاویر سے آبجیکٹس کو ہٹانے یا شامل کرنے کے قابل ہوگا۔ان سب کو تحریری ہدایات کی ضرورت نہیں ہوگی لیکن صوتی احکامات کے ذریعے ممکن ہوگا۔

کمپنی کی جانب سے میٹا اے آئی کو لاما 3.2 ماڈل سے نئی خصوصیات کے لیے اپ ڈیٹ کیا جا رہا ہے۔

خیال رہے کہ میٹا اے آئی میں یہ نئی تبدیلیاں آنے والے ہفتوں میں صارفین کے لیے دستیاب ہوں گی۔