اوریگن کے جنگل میں لگی آگ بے قابو

کیلیفورنیا کے بعد امریکی ریاست اوریگن کے جنگل میں بھی خوفناک  آگ  لگ گئی جس نے جنگل کے   طویل حصے کو اپنی لپیٹ میں لے لیا ہے ۔

پورٹ لینڈ کے قریب جنگل میں تیز ہواوں  کے باعث آگ مزید پھیل رہی ہے  ۔ قریبی آبادیوں سے لوگوں کی منتقلی کا عمل جاری ہے ۔جبکہ اس آگ کی زد میں گاڑیاں بھی آرہی ہیں ۔

شعلوں کو ٹھنڈے کرنے کے دوران دو فائر فائٹرز زخمی ہوئے ۔ آگ بجھانے کے لیے طیاروں کی مدد بھی لی جا رہی ہے ۔

حکام کے مطابق، جنگل میں ٹریکٹر کے قریب سے ایک شخص کی لاش ملی جبکہ دو فائرفائٹرز زخمی ہوگئے ۔