اتوار، 9-فروری،2025
اتوار 1446/08/10هـ (09-02-2025م)

سونے کی قیمت میں نئے ریکارڈ بننے کا سلسلہ جاری

04 فروری, 2025 19:10

پاکستان میں سونے کی قیمتوں پر لگے پَر نہ کٹ سکے اور اس کے بھاؤ مزید نئی بلندیوں پر پہنچ گئے ہیں۔

آل پاکستان جیم ز اینڈ جیولرز ایسوسی ایشن کے مطابق ملک میں ایک تولہ 1900 روپے مہنگا ہوا ہے جس کے بعد  فی تولہ سونا 2 لاکھ 94 ہزار 300 روپے کی نئی بلند ترین سطح پر جا پہنچا ہے۔

ایسوسی ایشن کے مطابق 24 قیراط کے حامل 10 گرام سونے کی قدر 1629 روپے بڑھ کر 2 لاکھ 52 ہزار 314 روپے ہوگئی۔

واضح رہے کہ گزشتہ روز پاکستان میں سونے کی فی تولہ قیمت 200 روپے کے اضافے کے بعد اس وقت کی ریکارڈ بلندی پر پہنچ گئی تھی۔

یہ بھی پڑھیں: پرائز بانڈز 2025 کی قرعہ اندازی کا مکمل شیڈول جاری

دوسری جانب بین الاقوامی صرافہ بازار میں دن کے دوران 16 ڈالر کے اضافے سے سونے کا نرخ 2815 ڈالر فی اونس مقرر کیا گیا ہے۔

اس کے علاوہ صرافہ بازار ایسوسی ایشن نے بتایا کہ ملک میں فی تولہ چاندی کے دام بھی 49 روپے بڑھ کر 3314 روپے پر پہنچ گئے ہیں۔

Leave a Comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Scroll to Top