ملک میں سونے کی قیمت نئی ریکارڈ پلندی پر پہنچ گئی

پاکستان میں سونے کی قیمتوں میں مسلسل اضافہ دیکھا جا رہا ہے اور فی تولہ سونا ایک بار پھر نئی ریکارڈ سطح پر پنچ گیا ہے۔

آل پاکستان جیمز اینڈ جیولرز ایسوسی ایشن کے مطابق ملک میں 24 قیراط کے حامل ایک تولہ سونا 200 روپے مہنگا ہوا ہے جس کے بعد فی تولہ سونے کا بھاؤ 2 لاکھ 92 ہزار 400 روپے ہوگیا۔

ایسوسی ایشن کے مطابق 24 قیراط کے حامل 10 گرام سونے کی قدر 171 روپے بڑھ کر 2 لاکھ 50 ہزار 685 روپے ہوگئی ہے۔

واضح رہے کہ ہفتے کے روز ملک میں فی تولہ سونے کا نرخ 400 روپے مہنگا ہوکر اس وقت ملکی تاریخ کی بلند ترین سطح پر جا پہنچا تھا۔

یہ بھی پڑھیں: پاکستان میں مہنگائی کی شرح دو سال کی کم ترین سطح پر آگئی

دوسری جانب بین الاقوامی صرافہ مارکیٹ میں دن کے دوران ڈالر کے اضافے سے سونے کا دام 2799 ڈالر فی اونس مقرر کیا گیا ہے۔

صرافہ ایسوسی ایشن کے مطابق پاکستان میں فی تولہ چاندی کی قیمت 5 روپے کمی کے بعد 3265 روپے ہوگئی۔