مقبول خبریں
پاکستان میں شرح پیدائش میں بڑی کمی ریکارڈ

سال 2024 میں پاکستان میں شرح پیدائش میں بڑی کمی دیکھی گئی ہے۔
اقوام متحدہ کی ورلڈ فرٹیلیٹی رپورٹ کے مطابق سال 2024 میں پاکستان میں شرح پیدائش کم ہوکر 3.6 فیصد رہ گئی جو 1994 میں 6 فیصد تک تھی۔
رپورٹ میں بتایا گیا کہ 2023 میں شرح پیدائش 3.2 تھی جو 2022 کے مقابلے میں 1.88 فیصد کم تھی۔
اقوام متحدہ نے کہا ہے کہ گزشتہ برس 63 ممالک میں رہنے والے 1.8 ارب افراد آبادی میں کمی کے مرحلے میں داخل ہو چکے۔
رپورٹ میں حکومتوں پر کم عمری کی شادی پر پابندی، خواتین اور لڑکیوں کے حقوق کے تحفظ اور تولیدی صحت کی مکمل سہولیات یقینی بنانے کے لیے مؤثر قوانین کے نفاذ پر زور دیا گیا ہے۔
اس کے علاوہ ہمسایہ ملک بھارت اور بنگلا دیش میں شرح پیدائش پاکستان کے مقابلے میں زیادہ کمی دیکھی گئی ہے۔