مقبول خبریں
صیہونی قیدی کا حماس کے حسن سلوک سے متعلق اہم پیغام

امریکی نژاد صہیونی قیدی نے فلسطینی مزاحمتی مجاہدین کے اخلاقی اور انسانی سلوک کی تعریف کرتے ہوئے پیغام جاری کر دیا۔
ایرانی میڈیا کی رپورٹ کے مطابق امریکی شہریت کے حامل ایک صہیونی کیتھ سیگل نے فلسطینی مجاہدین کے اخلاقی سلوک کی تعریف کی۔ انہوں نے القسام مجاہدین کے نام ایک پیغام میں لکھا کہ میرا نام کیتھ سیگل ہے اور میں غزہ کے کفار علاقے سے ہوں۔
صیہونی قیدی نے پیغام میں کہا کہ میں 7 اکتوبر 2023 سے جنوری 2025 تک غزہ میں قیدی رہا، اس دوران میری حفاظت کرنے والے جنگجوؤں نے میری تمام ضروریات کا خیال رکھا، جن میں کھانے پینے، ادویات، ضروری وٹامنز، بینائی کی ادویات، بلڈ پریشر مانیٹر اور دیگر ضروریات شامل تھیں۔
مزید پڑھیں:اسرائیلی قید سے رہا ہونے والے فلسطینیوں پر تشدد کا انکشاف
مزید پڑھیں:خوفزدہ اسرائیلی فوجی اپنے سادہ لباس آفسر کو گولیاں مار کر چھلنی کردیا
انہوں نے اس بات کا بھی خیال رکھا کہ میرا کھانا میری صحت کیلئے موزوں ہو اور میں سبزی خور تھا، گارڈز نے میرے ساتھ اچھا سلوک کیا، میرا ماننا ہے کہ ہماری (صیہونی) حکومت نے قیدیوں کے تبادلے اور جنگ بندی کے سلسلے میں اپنا فرض ادا نہیں کیا۔
انکا مزید کہنا تھا کہ جس کے نتیجے میں فریقین کو زیادہ جانی نقصانات کا سامنا کرنا پڑا، مجھے امید ہے کہ جلد ہی امن بحال ہو جائے گا اور یہاں میں ان جنگجووں کا شکریہ ادا کرنا چاہتا ہوں جنہوں نے اس دوران میری حفاظت کی۔