اتوار، 9-فروری،2025
اتوار 1446/08/10هـ (09-02-2025م)

افغان طالبان نے ملک کے واحد پرتعیش ہوٹل پر قبضہ جمالیا

03 فروری, 2025 09:57

کابل: افغان طالبان کے زیر کنٹرول ایک کارپوریشن نے کابل میں قائم ملک کا واحد پرتعیش ہوٹل کو اپنے انتظام میں لے لیا ہے۔

خبر رساں ادارے اے ایف پی کے مطابق خوبصورت اور بین الاقوامی معیار کے حامل اس ہوٹل نے امریکی مہمانوں اور فوجی حکام کو پچھلے برسوں میں سب سے زیادہ خدمات فراہم کی تھیں۔

حکومت کی جانب سے فوری طور پر کوئی ردعمل نہیں دیا گیا ہے، نہ ہی سرینا ہوٹل اور حکومت نے ان شرائط کی وضاحت کی جن کے تحت ہوٹل کی انتظامیہ تبدیل ہو رہی ہے۔

مزید پڑھیں:ایرانی وزیر خارجہ کا طالبان حکومت کے بعد پہلا دورہ کابل

مزید پڑھیں:نئی ٹرمپ انتظامیہ نے طالبان رہنماؤں کو دھمکی دے دی

رپورٹ کے مطابق یہ ہوٹل کابل کے ڈاؤن ٹاؤن علاقے زرنگار پارک میں قائم کیا گیا تھا، اس کا آغاز 1945 میں کابل ہوٹل کے نام سے ہوا، تاہم پچھلے برسوں میں یہ سرینا ہوٹل انتظامیہ کے پاس تھا۔

آغا خان نیٹ ورک نے 2005 میں اس کی تعمیر نو کی اور کینیڈا کے ایک آرکیٹیکیٹ رمیش کھوسلہ نے اسے ڈیزائن کیا۔ افغانستان میں امریکی جنگ کے دوران اسے کئی بار نقصان کا سامنا کرنا پڑا۔

افغانستان کے امریکہ کی مدد سے صدر بننے والے حامد کرزئی نے اس سرینا ہوٹل کا افتتاح کیا تھا، تاہم 2008 اور 2014 میں اس ہوٹل پر بڑے حملے ہوئے۔

واضح رہے کہ طالبان نے پہلی بار 2008 میں اور پھر 2014 میں سرینا ہوٹل کو نشانہ بنایا تھا۔سرینا ہوٹل کی ویب سائٹ پر اب کابل ہوٹل موجود نہیں ہے۔

Leave a Comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Scroll to Top