مقبول خبریں
حزب اللہ کے 2 شہید سربراہان کی نماز جنازہ و تدفین کا اعلان

بیروت: لبنان کی مزاحمتی تنظیم حزب اللہ نے اپنے 2 سابق سربراہان شہید کی نماز جنازے و تدفین کا اعلان کر دیا۔
حزب اللہ کے سیکرٹری جنرل نعیم قاسم نے جاری ہونے والے اپنے ویڈیو بیان میں اعلان کیا کہ سید حسن نصر اللہ اور ہاشم صفی الدین کا جنازہ اور تدفین 23 فروری بروز اتوار ہوگی۔
انہوں نے کہا کہ حسن نصر اللہ کی شہادت کے بعد 2 ماہ تک جاری رہنے والی جنگ کے باعث حسن نصر اللہ کا جنازہ عوامی سطح پر نہیں کیا جاسکتا تھا جس کی وجہ سے ان کی امانتاً تدفین کی گئی تھی تاہم اب ان کی نماز جنازہ بڑے عوامی اجتماع میں ادا کی جائے گی۔
مزید پڑھیں:حسن نصراللہ کا خون مزاحمت کو مزید تقویت دے گا، ایرانی وزیر خارجہ
مزید پڑھیں:سید حسن نصر اللہ کی جائے تدفین سے متعلق انکشاف
ان کا کہنا تھا کہ ہاشم صفی الدین کا جنازہ بھی بطور سیکرٹری جنرل حزب اللہ ہی ہوگا کیونکہ حسن نصر اللہ کی شہادت کے چند روز بعد ہی ہاشم صفی الدین کو حزب اللہ کا سیکرٹری جنرل منتخب کرلیا گیا تھا تاہم ان کے سیکرٹری جنرل بننےکے اعلان سے ایک، دو روز قبل ہی وہ شہید ہوگئے تھے۔
شیخ نعیم قاسم نے یہ بھی کہا کہ حسن نصر اللہ کے ساتھ ان کے جانشین سمجھے جانے والے ہاشم صفی الدین کی نماز جنازہ بھی ادا کی جائے گی۔