اتوار، 9-فروری،2025
اتوار 1446/08/10هـ (09-02-2025م)

ٹرمپ کا ایک بار پھر کینیڈا کو امریکی ریاست بنانے کا دعویٰ

03 فروری, 2025 09:20

امریکی صدر ڈونلڈ ٹرمپ نے ایک بار پھر کینیڈا کو امریکہ کی 51 ویں ریاست بنانے کی خواہش کا اظہار کیا ہے۔
ڈونلڈ ٹرمپ نے اپنے بیان میں کہا کہ ٹیکسوں میں اضافے سے کچھ تکلیف ہوگی لیکن نتائج حیرت انگیز ہوں گے، یہ امریکہ کا سنہری دور ہوگا اور ہم امریکہ کو دوبارہ عظیم بنائیں گے۔

مزید پڑھیں:امریکا نہ روس، دنیا کا سب سے بڑا فوجی کمانڈ سینٹر کہاں تعمیر ہو رہا ہے؟
انہوں نے کہا کہ ہم کینیڈا کو سبسڈی دینے کیلئے سینکڑوں ارب ڈالر کیوں ادا کرتے ہیں؟ کینیڈا کو ہماری 51 ویں ریاست بننا چاہئے، اس صورت میں کینیڈا کو بہتر فوجی تحفظ ملے گا اور کوئی ٹیرف نہیں ہو گا۔

اس سے قبل بھی امریکی صدر ڈونلڈ ٹرمپ نے کہا تھا کہ وہ کینیڈا کے خلاف معاشی طاقت کا استعمال کریں گے اور ملک کو امریکا کی 51 ویں ریاست بننا چاہیے۔ جس پر کینیڈین وزیراعظم جسٹن ٹروڈو نے نومنتخب امریکی صدر کو واضح جواب دیتے ہوئے کہا کہ قیامت تک ملک امریکا میں ضم نہیں ہوگا۔

واضح رہے کہ امریکا نے کینیڈا اور میکسیکو سے درآمد کی جانے والی اشیا پر 25 فیصد اور چین سے امریکا بھیجی جانے والی اشیا پر 10 فیصد ٹیرف عائد کیا تھا۔

Leave a Comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Scroll to Top