مقبول خبریں
بالنگ اوسط 100 اور بیٹنگ ایوریج 9! واہ کیا سلیکشن ہے؟

آئی سی سی چیمئینز ٹرافی اسکواڈ میں آل راؤںڈر فہیم اشرف کو شامل کرنے پر سابق کپتان وسیم اکرم نے بھی سوال اٹھادیا۔
سابق کپتان و لیجنڈری کرکٹر وسیم اکرم نے فہیم اشرف کی سلیکشن پر تشویش کا اظہار کرتے ہوئے انہیں ‘آؤٹ آف بلیو’ قرار دیا۔
فرنچائز کی پریس کانفرنس میں آل راؤنڈر کی اسکواڈ میں واپسی پر سوال کا جواب دیتے ہوئے کہا کہ ابتدائی 20 میچز میں اسکی بالنگ اوسط 100 کی ہے اور بیٹنگ اوسط محض 9 کی، اب آگے کیا کہہ سکتے ہیں۔
مزید پڑھیں: فہیم اشرف کو کیوں اسکواڈ کا حصہ بنایا؟ فینز سلیکشن پر برس پڑے
چیمپئینز ٹرافی کیلئے متنخب کردہ اسکواڈ پر انہوں نے اپنی رائے دیتے ہوئے کہا کہ میرے لیے حیران کُن ہے کہ دنیا بھر کی ٹیموں نے برصغیر کی پچز کے باعث اسپنرز کی تعداد بڑھائی ہے لیکن پاکستان صرف ابرار احمد کیساتھ جارہا ہے۔
مزید پڑھیں: چیمپیئنز ٹرافی کیلئے قومی اسکواڈ کا اعلان، کئی پرانے کھلاڑیوں کی واپسی
دوسری جانب سابق کرکٹرز تنویر احمد، کامران اکمل اور باسط علی نے بھی آل راؤنڈر فہیم اشرف اور خوشدل شاہ کی واپسی پر سوالیہ نشان اٹھایا جبکہ انکی ایک سفیان مقیم اور بالنگ آل راؤنڈر کیلئے عامر جمال کے ناموں کے حمایت کی ہے۔
مزید پڑھیں: چیمپیئنز ٹرافی؛ پاکستانی اسکواڈ کا اعلان کب ہوگا؟ چیئرمین بی سی بی نے بتادیا
واضح رہے کہ قومی ٹیم کے آل راؤنڈر فہیم اشرف نے اپنا آخری ون ڈے میچ روایتی حریف بھارت کیخلاف 11 ستمبر 2023 میں ایشیاکپ میں کھیلا تھا جہاں پاکستان کو بدترین شرکت کا منہ دیکھنا پڑا تھا۔
مڈل آرڈر بیٹر خوشدل شاہ نے پاکستان کی نمائندگی کرتے ہوئے اپنا آخری میچ 7 اکتوبر 2023 کو کھیلا تھا، جس کے بعد سے وہ ٹیم میں جگہ بنانے سے قاصر رہے ہیں۔