اتوار، 9-فروری،2025
اتوار 1446/08/10هـ (09-02-2025م)

فہیم اشرف کو کیوں اسکواڈ کا حصہ بنایا؟ فینز سلیکشن پر برس پڑے

01 فروری, 2025 16:49

آئی سی سی چیمئینز ٹرافی اسکواڈ میں آل راؤںڈر فہیم اشرف کو شامل کرنے پر سوشل میڈیا صارفین نے سلیکشن کمیٹی پر غصہ نکال دیا۔

گزشتہ روز سلیکشن کمیٹی کے رکن اسد شفیق نے ٹیم کا اعلان کیا، جس میں کپتان محمد رضوان، نائب کپتان سلمان علی آغا کے علاوہ بابراعظم، فخر زمان، کامران غلام، سعود شکیل، طیب طاہر، فہیم اشرف، خوشدل شاہ، عثمان خان، ابرار احمد، حارث رؤف، نسیم شاہ، شاہین شاہ آفریدی اور محمد حسنین شامل تھے۔

اسکواڈ میں طویل عرصے بعد 4 کھلاڑیوں کی واپسی ہوئی ہے جس میں اوپنر فخر زمان، مڈل آرڈر بیٹر سعود شکیل، آل راؤنڈر فہیم اشرف اور خوشدل شاہ شامل ہیں۔

مزید پڑھیں: چیمپیئنز ٹرافی کیلئے قومی اسکواڈ کا اعلان، کئی پرانے کھلاڑیوں کی واپسی

فینز کی جانب سے آل راؤنڈر کو اسکواڈ کا حصہ بنانے پر شدید تنقید کا سامنا ہے جبکہ صارفین نے سلیکشن کمیٹی کو آڑے ہاتھوں لیتے ہوئے سوال کیا ہے کہ فہیم اشرف کون سی کارکردگی کی بنیاد پر اسکواڈ میں جگہ دی گئی ہے۔

صارفین نے تنقید کیلئے سوشل میڈیا کا رخ کرتے ہوئے کہا کہ اگر ٹیم کو فاسٹ بولر آل راؤنڈر ہی چاہیے تھا تو عامر جمال کی صورت میں موجود تھا۔

مزید پڑھیں: چیمپیئنز ٹرافی؛ پاکستانی اسکواڈ کا اعلان کب ہوگا؟ چیئرمین بی سی بی نے بتادیا

ایک صارف نے سلیکشن کمیٹی پر سوال اٹھایا کہ ہر اہم ایونٹ سے قبل فہیم اشرف کیسے اسکواڈ کا حصہ بن جاتے ہیں؟۔ ایک اور صارف نے فہیم اشرف کے انتخاب کو "بدقسمتی” اور "قابل اعتراض” قرار دیا۔

مزید پڑھیں: چیمپئنز ٹرافی؛ کیا افتتاحی تقریب ہوگی؟ تیاریاں مکمل

واضح رہے کہ قومی ٹیم کے آل راؤنڈر فہیم اشرف نے اپنا آخری ون ڈے میچ روایتی حریف بھارت کیخلاف 11 ستمبر 2023 میں ایشیاکپ میں کھیلا تھا جہاں پاکستان کو بدترین شرکت کا منہ دیکھنا پڑا تھا۔

Leave a Comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Scroll to Top