مقبول خبریں
ٹرمپ کا 3ممالک کیلئے تیل و گیس پر ٹیرف کے نفاذ کا اعلان

واشنگٹن: امریکی صدر ڈونلڈ ٹرمپ نے تین ممالک کیلئے تیل و گیس پر 18 فروری سے ٹیرف عائد کرنے کا اعلان کر دیا۔
صدر ڈونلڈ ٹرمپ نے کہا ہے کہ اسٹیل، المونیم اور تانبے پر بھی ٹیرف لاگو ہوگا، ہمارے ساتھ کینیڈا کا رویہ اچھا نہیں رہا، ٹیرف کےنفاذ پر کینیڈا، میکسیکو اور چین کچھ نہیں کرسکتے، یورپی یونین پر بھی ٹیرف نافذ کریں گے۔
مزید پڑھیں:ٹک ٹاک کو کونسی امریکی کمپنی خرید رہی ہے؟ ٹرمپ نے بتادیا
ڈونلڈ ٹرمپ نے یہ بھی کہاکہ اردن اور مصر غزہ متاثرین کو قبول کر لیں گے، روسی صدر سے بات کریں گے، کچھ اہم اقدامات کیلیے پُرامید ہیں، روس کے ساتھ سنجیدہ بات چیت چل رہی ہے، پاناما کینال کو دوبارہ حاصل کریں گے۔
مزید پڑھیں:پاکستانی امریکی جج نے ٹرمپ کا صدارتی حکمنامہ منسوخ کروا دیا
دوسری جانب وائٹ ہاؤس کا کہنا تھا کہ یکم فروری سے میکسیکو اور کینیڈا سے امریکا برآمد کیے جانے والے سامان پر 25 فیصد جبکہ چین سے امریکا بھیجے جانے والے سامان پر 10 فیصد ڈیوٹی کا اطلاق ہو گا۔
وائٹ ہاؤس کی پریس سیکرٹری نے بریفنگ میں کہا کہ امریکی صدرنےابھی تک یورپی یونین کےخلاف ٹیرف نافذ کرنےسے متعلق حتمی فیصلہ نہیں کیا۔علاوہ ازیں پریس سیکرٹری نے بتایا کہ اسرائیلی وزیراعظم نیتن یاہو منگل کو امریکا کا دورہ کریں گے، اسرائیلی وزیراعظم امریکی صدر ٹرمپ سے ملاقات بھی کریں۔
اس سے قبل کینیڈین وزیراعظم جسٹن ٹروڈو نے کہا تھا کہ امریکا نے ٹیرف لگایا تو کینیڈا فوری اور زبردست جواب دے گا، ہم ایسا نہیں کرنا چاہتے لیکن ایسے اقدام کا فوری جواب دیں گے۔
واضح رہے کہ اس سے پہلے وائٹ ہاؤس کی جانب سے یکم فروری سے میکسیکو اورکینیڈا پر 25 فیصد ٹیرف جبکہ چین پر 10 فیصد ٹیرف عائد کرنے کا اعلان کیا جاچکا ہے۔