مقبول خبریں
امریکا میں ایک اور طیارہ گر کر تباہ، 6 افراد ہلاک

امریکی ریاست پنسلوینیا کے شہر فلاڈیلفیا کے شمال مشرقی علاقے میں شاپنگ مال کے قریب ایک چھوٹا طیارہ گرکر تباہ ہو گیا۔
امریکی میڈیا کے مطابق حادثے کے بعد طیارے میں آگ لگ گئی جبکہ حادثے کے نتیجے میں 6 افراد کے ہلاک ہونے کی تصدیق ہو گئی۔
تاہم میڈیا رپورٹس میں بتایاجارہا ہے کہ حادثے کی جگہ پر امدادی کارروائیاں جاری ہیں اور انتظامیہ کی جانب سے تحقیقات بھی شروع کر دی گئی ہیں۔
مزید پڑھیں:امریکی مسافر طیارہ فوجی ہیلی کاپٹر سے ٹکرا کر دریا میں گرگیا
دوسری جانب ڈی سی فائر چیف کا کہنا ہے کہ ابھی تک 41 لاشوں کی باقیات نکالی جاچکی ہیں، 28 لاشوں کی شناخت ہو چکی ہے۔
قبل ازیں جمعرات کو بھی واشنگٹن میں مسافر جہاز اور ہیلی کاپٹر ٹکرانے کا واقعہ پیش آیا تھا، طیارے اور ہیلی کاپٹر میں موجود تمام 67 افراد کو مردہ تصور کیا گیا ہے۔