اتوار، 9-فروری،2025
اتوار 1446/08/10هـ (09-02-2025م)

پاکستان میں سونا مزید مہنگا ہو کر ریکارڈ بلندی پر پہنچ گیا

31 جنوری, 2025 17:32

بین الاقوامی مارکیٹ میں سونے کے نرخوں میں اضافے کے بعد پاکستان میں سونے کے نرخ نئی بلند ترین سطح پر پہنچ گئے۔

مقامی صرافہ مارکیٹوں میں 24 قیراط کے حامل سونے کی فی تولہ قیمت 1500 روپے اضافے سے 2 لاکھ 91 ہزار 800 روپے کی بلند ترین سطح پر پہنچ گئی۔

آل پاکستان جیمز اینڈ جیولرز ایسوسی ایشن کے مطابق 24 قیراط کے حامل 10 گرام سونے کی قدر 1286 روپے اضافے کے بعد 2 لاکھ 50 ہزار 171 روپے ہوگئی جب کہ چاندی کی فی تولہ قیمت 3 ہزار 300 روپے پر برقرار رہی۔

واضح رہے کہ گزشتہ روز ملک میں سونے کی فی تولہ قیمت ایک ہزار 600 روپے بڑھ کر 2 لاکھ 90 ہزار 300 روپے کی بلند ترین سطح پر جا پہنچی تھی۔

یہ بھی پڑھیں: 

کافی کی قیمت تاریخ کی بلند ترین سطح پر پہنچ گئی

پاکستان میں پیٹرول اور ڈیزل مزید مہنگا ہونے کا امکان

دوسری جانب جمعہ کے روز سونے کی بین الاقوامی قیمت میں بھی اضافہ دیکھا گیا ہے، سونے کا بھاؤ 2792 ڈالر فی اونس (20 ڈالر پریمیم کے ساتھ) تھا اور دن کے دوران اس میں 14 ڈالر کا اضافہ ہوا۔

عالمی سطح پر جمعہ کے روز سونے کی قیمتیں ریکارڈ سطح پر پہنچ گئیں جس میں مسلسل پانچویں ہفتہ وار اضافہ ریکارڈ کیا گیا۔

سپاٹ گولڈ کی قیمت 0.1 فیصد اضافے کے ساتھ 2,797.48 ڈالر فی اونس رہی جو ہفتے میں اب تک تقریبا ایک فیصد اضافہ ہے۔

اس سے قبل سیشن میں قیمتیں 2,799.71 ڈالر کی تاریخ کی بلند ترین سطح پر پہنچ گئی تھیں۔

Leave a Comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Scroll to Top