فورسز کا شمالی وزیرستان میں آپریشن، 6 خوارج ہلاک، مقابلے میں میجر اور سپاہی شہید

پاک فوج کے شعبہ تعلقات عامہ (آئی ایس پی آر) سکیورٹی فورسز نے 29 اور 30 جنوری کی درمیانی رات خوارج کی موجودگی کی اطلاع پر شمالی وزیرستان کے علاقے میر علی میں انٹیلی جنس بیسد آپریشن کیا۔

آئی ایس پی آر کے مطابق مؤثر کارروائی کے نتیجتے میں چھ خوارج مارے گئے جب کہ آپریشن کے دوران میجر حمزہ اسرار اور سپاہی محمد نعیم بہادری سے لڑتے ہوئے شہید ہوگئے۔

انٹر سروسز پبلک ریلیشنز کے مطابق شدید فائرنگ کے تبادلے میں راولپنڈی کے 29 سالہ میجر حمزہ اسرار اور نصیرآباد کے 26 سالی سپاہی محمد نعیم بہادری سے لڑتے ہوئے شہید ہوئے۔

آئی ایس پی آر نے کہا کہ سکیورٹی فورسز ملک سے دہشت گردی کو ختم کرنے کے لئے پرعزم ہیں اور بہادر جوانوں کی یہ قربانیاں ہمارے عزم کو مزید تقویت دیتی ہیں۔

فوج کے شعبہ تعلقات عامہ نے کہا کہ میجر حمزہ اسرار شہید کی عمر 29 سال تھی اور کا تعلق ضلع راولپنڈی سے ہے، انہوں نے 9 سال تک دفاع وطن کا فریضہ سرانجام دیا۔

آئی ایس پی آر کے مطابق میجر حمزہ اسرار شہید کی حال ہی میں شادی ہوئی تھی، انہوں نے سوگواران میں اہلیہ، والدین اور بہن بھائی چھوڑے ہیں۔

اس کے علاوہ 26 سالہ سپاہی محمد نعیم شہید ضلع نصیر آباد کے رہائشی ہیں، سپاہی محمد نعیم شہید نے 6 سال پاک فوج میں رہتے ہوئے وطن کادفاع کیا، جنہوں نے سوگواران میں والدین چھوڑے۔