مقبول خبریں
حماس کی رہا کردہ اسرائیلی فوجی خواتین کے کارڈ پر کیا لکھا تھا؟

فلسطینی مزاحمتی تنظیم حماس نے غزہ جنگ بندی کے دوسرے مرحلے میں اسرائیلی فوجی خواتین کو باعزت طریقے سے رہا کرکے دنیا بھر میں خوب پذیرائی سمیٹی۔
میڈیا رپورٹس کے مطابق حماس کی جانب سے صیہونی فوج کی 4 اہلکاروں کو گزشتہ روز معاہدے کے تحت ہلال احمر کے حوالے کیا، اس موقع پر مزاحمتی تنظیم باقاعدہ اسٹیج سجایا اور یہ مناظر ٹیلی ویژن اسکرینز پر لائیو نشر کیے گئے، جس نے صہیونیوں کی جیت کے دعوے کو ہوا میں اڑا دیا۔
اس موقع پر القسام اور القدس بریگیڈ کے سیکڑوں اہلکار بھی موجود تھے، تقریب میں غزہ کے ہزاروں عوام بھی شریک ہوئے۔
مزید پڑھیں: حماس نے 4 خواتین صیہونی فوجی یرغمالیوں کو رہا کردیا
تقریب کے دوران اسٹیج پر موجود ٹیبل پر فلسطین کے جھنڈے اور مسجد اقصیٰ کی تصاویر نے اسرائیل اور اس کے حواریوں پر خوف طاری کردیا جبکہ بینرز پر عربی اور انگریزی زبان میں فتح کے الفاظ درج تھے۔
ان بینرز پر ایک طرف فلسطین کی آزادی کیلئے لڑنے والے مجاہدین ہمیشہ فاتح رہیں گے، دوسری طرف تحریر تھا کہ فلسطین، نازی صیہونیوں کے خلاف مظلوموں کی فتح۔ جس نے قابض ریاست اسرائیل میں کہرام مچ گیا۔
مزید پڑھیں: غزہ جنگ؛ 15 ماہ بعد حماس نے پھر کنٹرول سنبھال لیا
اس بینر کے درمیان میں طوفان الاقصیٰ کا لوگو جبکہ مزاحمتی تنظیم کے جھنڈے اور سینکڑوں مجاہدین بھی موجود تھے۔
رہا کی گئی 4 خواتین فوجیوں نے اسٹیج پر کھڑے ہوکر مسکراتے ہوئے ہاتھ ہلایا، اس موقع پر وردی میں ملبوس خواتین کے گلے میں ایک کارڈ بھی تھا جو کہ ان کی شناخت کے لیے تھے۔ ہر کارڈ پر اس قیدی کی تصویر، نام اور دیگر معلومات تھیں جن میں ان کے اغوا کی تاریخ، اغوا کی جگہ اور رہائی کی تاریخ درج تھی۔
مزید پڑھیں: اسرائیلی فوج جنوبی لبنان سے نہیں نکلےگی، نیتن یاہو کا اعلان
اس مرتبہ بھی رہا ہونے والی خاتون فوجیوں کو حماس کی جانب سے ایک بیگ بھی دیا گیا جس میں غزہ کا نقشہ، ان کی قید کے ایام کی تصاویر، فلسطینی پرچم والا کی چین اور رہائی کا سرٹیفکیٹ بھی موجود تھا۔