مقبول خبریں
امریکی صدر اپنا پہلا سرکاری دورہ کس ملک کا کریں گے؟

واشنگٹن: امریکی صدر ڈونلڈ ٹرمپ نے کہا ہے کہ بطور صدر پہلا غیر ملکی دورہ برطانیہ یا سعودی عرب کا کروں گا۔
غیر ملکی خبر رساں ایجنسی کے مطابق امریکی صدر ڈونلڈ ٹرمپ نے کہا ہے کہ ٹک ٹاک کے شیئرز خرید نے سے متعلق مختلف افراد سے بات چیت جاری ہے اور ٹک ٹاک کے مستقبل کا فیصلہ آئندہ 30 روز میں ہو جائے گا۔
انہوں نے کہا کہ بطور صدر پہلا غیر ملکی دورہ برطانیہ یا سعودی عرب کا ہو گا اور سعودی ولی عہد سے تیل کی قیمتیں کم کرنے سے متعلق بات ہوئی ہے۔
مزید پڑھیں:نئی ٹرمپ انتظامیہ نے طالبان رہنماؤں کو دھمکی دے دی
ڈونلڈ ٹرمپ نے کہا کہ اردن کے شاہ عبداللہ سے غزہ کے رہائشیوں کو پڑوسی ممالک منتقل کرنے سے متعلق بات کی ہے۔
غیر ملکی خبر رساں ایجنسی نے دعویٰ کیا ہے کہ امریکی صدر ڈونلڈ ٹرمپ نے اسرائیل کو 2 ہزار پاؤنڈ بم کی فراہمی کی اجازت دے دی ہے۔