اتوار، 9-فروری،2025
اتوار 1446/08/10هـ (09-02-2025م)

عمران خان نے وزیراعلیٰ کےپی علی امین گنڈا پور کو عہدے سے فارغ کردیا

25 جنوری, 2025 17:11

سابق وزیراعظم اور بانی پاکستان تحریک انصاف (پی ٹی آئی) عمران خان نے وزیراعلیٰ علی امین گنڈا پور سے بڑا عہدہ چھین لیا ہے۔

بانی پی ٹی آئی نے علی امین گنڈا پور سے پارٹی کی صوبائی صدارت کا عہدہ واپس لے لیا ہے اور ان کی جگہ اب جنید اکبر کو پارٹی کا نیا صوبائی صدر مقرر کیا ہے۔

عمران خان نے پارٹی کے سیکرٹری جنرل سلمان اکرم راجہ کو جنید اکبر کی تقرری کا نوٹیفکیشن جاری کرنے کی بھی ہدایت کردی۔

رپورٹس کے مطابق عمران خان نے سلمان اکرم راجہ کو پنجاب میں پارٹی کی تشکیل نو کے لیے نھی مشاورت کی ہدایت کی ہے۔

اس ضمن میں پی ٹی آئی کے جنرل سیکرٹری سلمان اکرم راجہ نے کہا کہ علی امین گنڈاپور خود بھی چاہتے تھے وہ پارٹی صدارت اپنے پاس نہ رکھیں۔

انہوں نے کہا کہ عمران خان نے وزیراعلیٰ کےپی کو ہدایت کی ہے کہ وہ صوبے میں دہشت گردی اور گورننس کے معاملات پر فوکس کریں۔

ادھر ذرائع نے بتایا ہے کہ بانی پی ٹی آئی نے خیبرپختونخوا میں کرپشن پر تحفظات کا اظہار کیا اور علی امین کو پیغام دیا کہ وہ ڈیرہ اسماعیل خان کی سیاست سے باہر آئیں۔

یاد رہے کہ پی ٹی آئی نے قومی اسمبلی میں چیئرمین پبلک اکاؤنٹس کمیٹی (پی اے سی) کے عہدے کے لیے شیر افضل کو نامزد کیا تھا تاہم گزشتہ دنوں ان کی نامزدگی منسوخ کرکے جنید اکبر کو اس عہدے کے لیے نامزد کیا گیا جو بلا مقابلہ پبلک اکاؤنٹس کمیٹی کے چیئرمین منتخب ہوئے تھے۔

 

Leave a Comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Scroll to Top