غزہ؛ آج دوسرے مرحلے میں کتنے فلسطینی قیدی آزاد ہونگے؟

مہر خبررساں ایجنسی کے مطابق، غزہ میں حماس اور صہیونی حکومت کے جنگ بندی کے معاہدے کے تحت آج ہفتے کے دن فریقین کے درمیان قیدیوں کے تبادلے کا دوسرا مرحلہ ہو گا۔

فلسطین کی مزاحمتی تنظیم حماس نے حال ہی میں ان صیہونی خواتین کے اسیران کے نام پیش کیے ہیں جنہیں دوسرے مرحلے میں آزاد کیا جائے گا۔

مزید پڑھیں:اسرائیل غزہ کی نسل کشی مغربی کنارے میں دہرانے لگا، متعدد فلسطینی بے گھر

مزید پڑھیں:امریکا نے اسرائیل کے علاوہ کئی ممالک کی امداد روک دی

فلسطینی مقاومتی تنظیم کے مطابق اس مرحلے میں 4 صیہونی فوجی خواتین آزاد کی جائیں گی۔ اس کے بدلے تل ابیب 180 فلسطینی اسیران کو آزاد کرے گا، جن میں 90 ایسے اسیران شامل ہیں جنہیں عمر بھر کی قید کی سزا دی گئی ہے۔

دوسری جانب صہیونی ذرائع ابلاغ نے کہا ہے کہ صہیونی کابینہ نے گذشتہ چند گھنٹوں میں ان فلسطینی قیدیوں کے ناموں میں تبدیلی کی ہے جنہیں ہفتے کے دن آزاد کیا جانا ہے۔