مقبول خبریں
2025 کا پہلا منکی پاکس کیس کہاں رپورٹ ہوا؟
جی ٹی وی ویب ڈیسک
25 جنوری, 2025 14:03
محکمہ صحت کے مطابق پاکستان میں 2025 کا پہلا ایم پاکس کیس پشاور ائیر پورٹ سے رپورٹ ہوگیا۔
میڈیا رپورٹ کے مطابق صوبائی پبلک ہیلتھ کی ٹیم نے دبئی سے آنے والے شخص میں ایم پاکس (منکی پاکس) کی تصدیق کردی، پشاور ائیر پورٹ پر اسکریننگ کے دوران مشتبہ کیس کی نشاندہی کی گئی۔
مزید پڑھیں:ایم پاکس یا منکی پاکس: یہ کیا ہے؟ علامات کیا ہیں؟کیا یہ جان لیوا ہے؟
صوبائی مشیرصحت احتشام علی نے کہا ہے کہ صوبے میں اب تک ایم پا کس کے 10 کیسز رپورٹ ہو چکے ہیں، 2023 میں 2، 2024 میں 7 جبکہ 2025 کا یہ پہلا کیس رپورٹ ہوا ہے۔
کیس رپورٹ ہوتے ہی پبلک ہیلتھ کی ٹیم پشاور ائیرپورٹ پہنچ گئی، ٹیم نے مریض کو پولیس سروسز اسپتال منتقل کردیا ہے، مشیر صحت نے کہا کہ پولیس اسپتال سے مریض کے نمونے پبلک ہیلتھ ریفرنس لیب بھیجے گئے، جس پر لیب نے 35 سالہ شخص میں ایم پاکس کی تصدیق کی۔
متعلقہ خبریں
