مقبول خبریں
امریکا؛ کیلیفورنیا کے 5نئے مقامات پر آگ بھڑک اٹھی، ہزاروں افراد کو نکلنے کا حکم

امریکی ریاست کیلیفورنیا میں مزید 5 مقامات پر آگ بھڑک اٹھی جس کے بعد مزید 50 ہزار افراد کو نقل مکانی کی ہدایات جاری کر دی گئی۔
غیر ملکی میڈیا کے مطابق جمعرات کو لاس اینجلس، سان ڈیاگو، وینچورا اور ریوَر سائیڈ کاؤنٹیز میں 5 مقامات پر لگنے والی آگ کو لاگونا، سیپولویدا، گبل، گلمن اور بارڈر 2 فائر کے نام دیے گئے ہیں۔
امریکی ریاست میں گزشتہ چند ہفتوں کے دوران لگنے والی آگ نے تباہی مچا دی ہے، پیلیسیڈس اور ایٹن میں لگنے والی آگ نے مجموعی طور پر 40 ہزار ایکڑ سے زائد رقبے جلا کر خاکستر کر دیا اور کم از کم 28 افراد ہلاک ہوچکے ہیں۔
مزید پڑھیں:کیلیفورنیا : بجلی کی طلب میں ریکارڈ اضافہ، لوڈ شیڈنگ کے لیے تیار رہنے کی ہدایت
مزید پڑھیں:لاس اینجلس ایک بار پھر آگ کی لپیٹ میں آگیا، ہزاروں افراد کو نقل مکانی کا حکم
دوسری جانب امریکی صدر ٹرمپ نے آگ اور طوفان سے متاثرہ علاقوں کا دورہ کرتے ہوئے جوبائیڈن انتظامیہ کو قدرتی آفات سے صحیح طور پر نہ نمٹنے پر شدید تنقید کا نشانہ بنایا۔
امریکی صدر ڈونلڈ ٹرمپ نے کہا کہ امریکا کی وفاقی حکومت متاثرین کی مدد کرے گی۔ ٹرمپ نے کیلی فورنیا کے مئیر کو آگ پر قابو نہ پانے پر تنقید کا نشانہ بنایا اور فائر فائٹرز کا حوصلہ بھی بڑھایا، انہوں نے کہا کہ آگ سے بہت نقصان ہوا ہے، وفاقی حکومت متاثرین کے ساتھ کھڑی ہے۔
نیشنل ویدر سروس نے کیلی فورنیا میں بارش کی بھی پیش گوئی کر دیا کہا کہ بارش آگ بجھانے میں مددگار ثابت ہو گی۔