مقبول خبریں
غزہ جنگ؛ 15 ماہ بعد حماس نے پھر کنٹرول سنبھال لیا

غزہ قابض اسرائیلی فورسز کی درندگی اور جنگ کے 15 بعد کی جنگ کے بعد فلسطین کی مزاحتمی تنظیم حماس نے ایک مرتبہ پھر کنٹرول سنبھال لیا۔
امریکی اخبار نیویارک ٹائمز کا کہنا ہے کہ سیز فائر شروع ہوتے ہی حماس کے مسلح جنگجوؤں کا سڑکوں پر آنا یہ پیغام تھا کہ ہزاروں ارکان کی شہادت، اسلحہ اور سرنگوں کی تباہی کے باوجود حماس کو ختم نہ کیا جا سکا اور اب بھی وہ غزہ کی مضبوط ترین جماعت ہے۔
امریکی اخبار نے رپورٹ میں کہا کہ اسرائیلی وزیراعظم بنجامین نیتن یاہو حماس کے خاتمے کے دعوے کرتے رہے لیکن غزہ کے لیے کوئی متبادل نہ پیش کرسکے۔
مزید پڑھیں: یرغمالیوں کو کیسے رکھا؟ حماس کے حُسن سلوک پر اسرائیل کو سانپ سونگھ گیا
غیر ملکی میڈیا کے مطابق اقوام متحدہ کا کہنا ہے کہ اسرائیلی حملوں کے نتیجے میں غزہ کے اندر تباہ ہونے والی عمارتوں اور دیگر انفرا اسٹرکچر کے ملبے کو صاف کرنے میں 21 سال کا عرصہ لگ سکتا ہے اور ملبے کی صفائی پر 12 ارب ڈالر کی رقم خرچ ہوسکتی ہے۔
مزید پڑھیں: غزہ جنگ بندی؛ فلسطینیوں کی مزاحمت کاروں کیساتھ جشن کی تصاویر وائرل
دوسری جانب عرب میڈیا رپورٹس میں کہا گیا ہے کہ اسرائیلی فوج غزہ میں جنگ بندی کی مسلسل خلاف ورزیاں کررہی ہے اور گزشتہ روز رفح میں ملبہ صاف کرتے لوگوں پر اسرائیلی کواڈ کاپٹر (ڈرون) نے فائرنگ کی جس کے نتیجے میں ایک فلسطینی شہید اور 4 زخمی ہوگئے۔
مزید پڑھیں: حماس نے 3 اسرائیلی قیدیوں کے بدلے 90 فلسطینی رہا کرالیے
اس کے علاوہ اسرائیلی فوجی ٹینک نے جنوبی غزہ میں فائرنگ کر کے 2 فلسطینیوں کو شہید کر دیا اور اس حوالے سے صیہونی فورسز کا کہنا ہے کہ معاملے کی تحقیقات جاری ہیں۔