جمعرات، 20-فروری،2025
بدھ 1446/08/20هـ (19-02-2025م)

"خوبصورت دکھنے کا بڑا نقصان اور خمیازہ بھگتا ہے”

24 جنوری, 2025 16:57

قومی ٹیم کے اوپنر احمد شہزاد نے انکشاف کیا ہے کہ خوبصورت دکھنے کا بڑا نقصان اور خمیازہ بھگتنا پڑا ہے۔

حال ہی میں اداکار و میزبان احمد علی بٹ کے پوڈکاسٹ میں گفتگو کرتے ہوئے اوپنر احمد شہزاد نے کہا کہ ‘گڈ لُکنگ ہونے کا مجھے بہت نقصان ہوا ہے، ہماری فیلڈ اس طرح کی ہے کہ اگر آپ دکھنے میں اچھے ہیں، آپ کو پہننا اوڑھنا اور بات کرنا آتا ہے تو کچھ لوگ آپ سے جلنا شروع ہوجاتے ہیں’۔

انہوں نے کہا کہ قومی ٹیم میں کچھ سینئیر کرکٹرز میرے اچھا دکھنے پر حسد کرتے تھے۔

مزید پڑھیں: چیمپئنز ٹرافی سے قبل اہم کرکٹر کی واپسی کے امکانات روشن

احمد شہزاد نے کہا کہ ‘ پاکستانی ٹیم میں اس چیز کا نشانہ بن چکا ہوں اور میں یہاں اپنا دفاع نہیں کررہا، میرے علاوہ اور بھی لوگ ہیں جو اس کا شکار رہ چکے ہیں کہ اگر آپ کی فین فالوونگ بڑھ رہی ہے، لوگ سراہ رہے ہیں تو یہ سینئرز سے برداشت نہیں ہوتا’۔

مزید پڑھیں: چیمپئنز ٹرافی؛ بھارتی ٹیم کی جرسی پر ‘پاکستان’ لکھا جائے گا

انکا کہنا تھا کہ ‘ہم چھوٹے علاقوں سے آئے ہوئے ہیں، انار کلی لاہور میں رہتا تھا، ہمارے ساتھ ملک کا نام جڑا تو خود کو اچھا دکھایا، اپنی پرسنلیٹی کو گروم تو کیا لیکن اس کا پاکستان کے اندر بہت نقصان بھی اٹھایا’۔

Leave a Comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Scroll to Top