مقبول خبریں
توہین رسالت کا جرم ثابت ہونے پر گلوکار کو سزائے موت کا حکم

تہران: ایران کی عدالت نے پاپ گلوکار امیر حسین المعرف ٹیٹالو کو پیغمبرِ اسلام ﷺ کی توہین کرنے پر سزائے موت کا حکم سنا دیا۔
غیر ملکی میڈیا کے مطابق ایران میں معروف پاپ گلوکار کو توہین رسالت پر گزشتہ برس ترکیہ سے بلا کر حراست میں لینے کے بعد 5 سال قید کی سزا سنائی گئی تھی تاہم ایرانی عدالت کی جانب سے یہ مقدمہ دوبارہ کھولا گیا اور اس بار نبی آخری الزماں ﷺ کی گستاخی پر سزائے موت کا حکم سنا دیا۔
مزید پڑھیں:ایران اور روس کے مابین اہم معاہدہ طے پاگیا
عدالت نے پراسیکیوٹر کے پچھلی 5 سال قید پر اعتراض کو تسلیم کرتے ہوئے پیغمبرِ اسلام ﷺ کی توہین کرنے پر 37 سالہ گلوکار کو سزائے موت کا حکم سنا دیا۔
مزید پڑھیں:ایران بھر میں فلسطینی مزاحمت کی فتح کا جشن، ہزاروں افراد شریک
ایرانی اخبار ’اعتماد آن لائن‘ کی رپورٹ کے مطابق سزا کا فیصلہ حتمی نہیں ہے اور اس پر اپیل کی جاسکتی ہے۔ 37 سالہ روپوش گلوکار 2018 سے استنبول میں قیام پذیر تھا تاہم انہیں ترکیہ کی پولیس نے دسمبر 2023 میں ایران کے حوالے کیا تھا۔
قبل ازیں گلوکار پر جسم فروشی کو فروغ دینے، اسلامی جمہوریہ کے خلاف پروپیگنڈا پھیلانے اور فحش مواد شائع کرنے کے الزام میں بھی گلوکار کو 10 سال قید کی سزا سنائی گئی تھی۔
معروف گلوکار جنہیں گائیکی میں اپنے مخصوص ریپ، پاپ انداز کی وجہ سے جانا جاتا ہے، کو قدامت پسند سیاستدانوں نے نوجوان، آزاد خیال ایرانی شہریوں تک رسائی کا ایک ذریعہ قرار دیا تھا۔
خیال رہے کہ گلوکار امیر حسین 2018 سے استنبول میں مقیم تھے اور توہین مذہب و رسول پر ایران کی درخواست پر ترک پولیس نے گرفتار کرکے دسمبر 2023 میں ایران کے حوالے کیا تھا۔