اسرائیلی کابینہ نے حماس کیساتھ جنگ بندی معاہدے کی منظوری دیدی

تل ابیب: اسرائیل کی سکیورٹی کابینہ کے بعد حکومت نے بھی غزہ جنگ بندی معاہدے کی توثیق کر دی۔

غیر ملکی میڈیا کے مطابق جمعہ کو اسرائیلی وزیر اعظم نیتن یاہو کے دفتر کی جانب سے کہا گیا تھا کہ سکیورٹی کابینہ نے حکومت کو جنگ بندی معاہدہ قبول کرنے کی سفارش کر دی ہے۔

غیر ملکی خبر رساں ایجنسی کے مطابق اسرائیلی حکومت نے بھی غزہ جنگ بندی معاہدے پر حماس سے ڈیل منظور کر لی جوکہ کل اتوار سے نافذ العمل ہو گا۔

مزید پڑھیں:اسرائیلی کابینہ نے غزہ جنگ بندی معاہدے کی توثیق کردی

مزید پڑھیں:غزہ جنگ بندی؛ خوثیوں کا اسرائیل پر حملے بند کرنے کا اعلان

 اسرائیلی وزیر اعظم نیتن یاہو کے دفتر کی جانب سے جاری بیان میں کہا گیا ہے کہ حکومت نے یرغمالیوں کی واپسی کے منصوبے کی منظوری دے دی ہے، حماس کے ساتھ جنگ بندی کا معاہدہ اتوار سے نافذ العمل ہوگا۔

میڈیا رپورٹ میں یہ بھی کہا جارہا ہے کہ نو منتخب امریکی صدر ڈونلڈ ٹرمپ کے مندوب نے نیتن یاہو حکومت سے زبردستی ڈیل منظور کرائی۔

دوسری جانب غیرملکی میڈیا رپورٹس کے مطابق فلسطینی تحریک حماس کی قید سے رہائی پانے والے 33 اسرائیلیوں کی تصویریں جاری کردی گئیں۔

خیال رہے کہ آج ہفتے کو صبح جنگ بندی معاہدے کی حکومتی منظوری کے لیے مکمل کابینہ کا اجلاس طلب کیا گیا تھا جبکہ جنگ بندی اور یرغمالیوں کے تبادلےکےمعاہدے کااطلاق کل (اتوار) سے ہوگا۔