اتوار، 9-فروری،2025
اتوار 1446/08/10هـ (09-02-2025م)

پاراچنار؛ امن معاہدے کے باوجود فائرنگ، سیکیورٹی اہلکار شہید، 6 دہشتگرد ہلاک

16 جنوری, 2025 17:19

خیبرپختونخواہ کے ضلع کُرم میں امن معاہدے کی تکمیل کے بعد ایک مرتبہ پھر گاڑیوں کے قافلے پر ایک بار پھر فائرنگ ہوئی، جس میں ایک سیکیورٹی اہلکار شہید ہوگیا۔

جی ٹی وی کی رپورٹ کے مطابق پاراچنار جانے والے قافلے پر دہشتگردوں نے گھات لگا کر حملہ کیا، جس کے نتیجے میں ایک سیکیورٹی اہلکار شہید ہوگیا جبکہ جوابی کارروائی میں 6 دہشتگرد ہلاک ہوئے۔

لوئر کرم بگن میں پاراچنار جانے والے گاڑیوں پر ایک بار پھر فائرنگ کا واقعہ پیش آیا ہے، 35 گاڑیوں پر مشتمل قافلہ پاراچنار کی جانب گامزن تھا کہ نامعلوم ملزمان نے گاڑیوں پر فائرنگ کی جس کے باعث قافلے کو رکنا پڑا۔

ضلعی انتظامیہ کے مطابق فائرنگ کے جواب میں قافلے کی سیکیورٹی پر تعینات اہلکاروں نے جوابی فائرنگ کی جو کافی دیر جاری رہی۔

ضلعی انتظامیہ کرم کے مطابق حملے میں فورسز کا ایک جوان شہید 4 زخمی ہوگئے جبکہ جوابی فائرنگ سے قافلے میں شامل 3 گاڑیوں کو نقصان پہنچا، 6 دہشت گرد مارے گئے اور تقریباً 10 زخمی ہوئے۔

حکام کا کہنا ہے کہ قافلے واپس ٹل روانہ کردیے گئے، سیکیورٹی فورسز نے پوزیشن سنبھال لی ہیں، ضلعی انتظامیہ اور فورسز کے افسران موقع پر پہنچ گئے ہیں، ایک گاڑی کو نقصان پہنچا ہے۔

ذرائع کے مطابق کرم جانے والا یہ تیسرا قافلہ تھا، قبل ازیں 2 قافلے جاچکے ہیں۔

Leave a Comment

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Scroll to Top