مقبول خبریں
رواں سال پاکستان میں’گوگل پے’ متعارف کرانے کا اعلان

پاکستان میں عالمی ڈیجیٹل ادائیگی پلیٹ فارم ’گوگل پے‘ کو مارچ 2025 کے وسط میں باقاعدہ طور پر متعارف کرایا جائے گا۔
ذرائع کے مطابق، گوگل اس پلیٹ فارم کو نومبر 2024 میں ویزا، ماسٹر کارڈ اور مقامی بینکوں کے ساتھ تعاون کے ذریعے متعارف کرائے گا۔
یہ سروس پاکستانی صارفین کو اپنے بینک سے جاری کردہ ڈیبٹ اور کریڈٹ کارڈز کو گوگل والیٹ ایپ کے ذریعے گوگل پے سے لنک کرنے کی اجازت دے گی، جس سے وہ بغیر کسی رابطے کے ڈیجیٹل ادائیگیاں کر سکیں گے۔
مزید پڑھیں:گوگل والِٹ کیا ہے اور یہ پاکستان میں کب لانچ ہورہا ہے؟
اگرچہ ابتدائی طور پر گوگل ایپ کا مقصد صرف contactless ادائیگیاں فعال کرنا ہوگا، لیکن اس میں موجود تمام خصوصیات جیسے لائلٹی کارڈز اور پبلک ٹرانسپورٹ پاسز شروع کے مرحلے میں دستیاب نہیں ہوں گے۔
ذرائع نے تصدیق کی ہے کہ لانچ کی تیاریاں جاری ہیں اور کئی بڑے بینکس ویزا اور ماسٹر کارڈ کے ساتھ کام کر رہے ہیں تاکہ تکنیکی ضروریات پوری کی جا سکیں۔
اسٹیٹ بینک آف پاکستان (ایس بی پی) کے مطابق، پاکستان کا ادائیگی کا بنیادی ڈھانچہ اس سروس کی حمایت کیلئے تیار ہے، جس میں 1 لاکھ 33ہزار پی او ایس ٹرمینلز موجود ہیں، اور ان میں سے 99 فیصد پہلے ہی موبائل کنٹیکٹ لیس ادائیگیاں سپورٹ کرنے کیلئے تیار ہیں۔