مقبول خبریں
نماز کی بےحرمتی؛ یوٹیوبر رجب بٹ کے خلاف مقدمہ درج

کراچی کی مقامی عدالت کے حکم پر یوٹیوبر رجب بٹ کے خلاف مقدمہ درج کرلیا گیا ہے۔
جی ٹی وی کے مطابق یوٹیوبر رجب بٹ پر مقدمہ نماز کی مبینہ بے حرمتی کے معاملے پر درج کیا گیا ہے، مقدمہ تھانہ حیدری میں پاکستان کے تعزیرات کے سیکشن 295 اے کے تحت درج کیا گیا ہے۔
عدالت میں مدعی کا بیان پولیس نے قلمبند کرلیا ہے، عدالت کی جانب سے دلائل سننے کے بعد پولیس کو مقدمہ درج کرنے کا حکم دیا گیا تھا۔
مزید پڑھیں: رجب بٹ کا گھر دھماکے سے گونج اٹھا
ایڈوکیٹ ریاض علی سولنگی نے اس حوالے سے میڈیا سے گفتگو کرتے ہوئے کہا کہ ہمارا اگلا مقصد رجب بٹ کو گرفتار کروانا ہے۔
مزید پڑھیں: یوٹیوبر رجب بٹ کو تحائف میں کیا کیا ملا؟ لوگ چکرا کر رہ گئے
اُنہوں نے مزید کہا کہ اس دفعہ کے تحت رجب بٹ کو 10 سال قید کی سزا ہو سکتی ہے، اس مقدمے کے ذریعے یہ پیغام دیا جا رہا ہے کہ آئندہ کوئی بھی شخص شعائر اسلام کی توہین کرنے سے پہلے سوچے گا۔
رجب بٹ کا معاملہ اس وقت سوشل میڈیا پر بھی زیر بحث ہے، جہاں لوگوں کی مختلف آراء سامنے آرہی ہیں۔
مزید پڑھیں: احد رضا میر نے سجل علی سے متعلق کیا کہا؟ ویڈیو وائرل ہوگئی
اس مقدمے کے بعد یہ سوال اٹھ رہا ہے کہ کیا یوٹیوبرز کو اپنے مواد کی اشاعت سے پہلے اس بات کا خیال رکھنا چاہیے کہ وہ کسی مذہبی یا ثقافتی حساسیت کو مجروح نہ کریں۔
دوسری جانب مشہور ٹک ٹاکرز رجب بٹ، ڈکی بھائی، اور رابعہ فیصل سمیت دیگر کے خلاف نا زیبا اور فحش مواد پھیلانے کے الزام میں مقدمہ درج کرنے کی درخواست دائر کر دی گئی۔
درخواست گزار کے مطابق ان افراد کی ویڈیوز معاشرے میں غیر اخلاقی رجحانات کو فروغ دے رہی ہیں۔