مقبول خبریں
وینا ملک نے ایک مرتبہ پھر متنازع مفتی قوی کو آڑے ہاتھوں لے لیا

معروف اداکارہ سابقہ ٹی وی ہوسٹ وینا ملک نے ایک مرتبہ پھر مفتی عبدالقوی کو آڑے ہاتھوں لے لیا۔
نجی ٹی وی کے شو میں بطور مہمان شریک ہونیوالی اداکارہ و سابقہ ٹی وی میزبان وینا ملک سے اینکر نے مفتی قوی سے متعلق پوچھے گئے سوال کے جواب میں کہا کہ مفتی قوی کو کوئی حق نہیں کہ وہ میرے کام کے بارے میں ٹیلی ویژن پر کھلے عام تنقید کریں۔
انہوں نے کہا کہ میرے پاس آزادی ہے کہ اپنی مرضی سے جو بھی کرنا چاہوں کرسکتی ہوں۔
مزید پڑھیں: معروف اداکار کی اہلیہ نے "اسلام” قبول کرلیا
اداکارہ نے اپنے مذہبی سفر پر سوال اٹھانے والے ناقدین سے سوال کیا کہ یہ کہاں لکھا ہے کہ اسکرٹ پہننے کے بعد اللّٰہ سے معافی نہیں مانگی جا سکتی؟میں نے حجاب پہننے کا فیصلہ اپنے اندر ہونے والی روحانی تبدیلی کی بنیاد پر کیا تھا، میں دل سے ابھی بھی ویسی ہی انسان ہوں جیسی پہلے تھی۔
مزید پڑھیں: وینا ملک کا مولانا طارق جمیل سے متعلق بڑا انکشاف
واضح رہے کہ اداکارہ نے اس سے قبل ایک پوڈ کاسٹ میں مفتی قوی کے ساتھ ماضی میں ہونے والے تنازع کے بارے میں بھی بات کرتے ہوئے کہا تھا کہ مفتی قوی تمام اداکاراؤں پر خفیہ طور پر نظر رکھتے ہیں، ان کے سب ڈرامے بھی دیکھتے ہیں، ایک بار مفتی قوی نے مجھ سے کہا کہ آپ کا تو حسن و جمال بھی ہے تو یہ جملہ سن کر میں نے ان سے پوچھا کہ آپ کو کیسے پتہ چلا کہ میرا حسن و جمال بھی ہے؟ میرے اس سوال پر وہ بھڑک گئے تھے۔
مزید پڑھیں: کیا بھارتی کرکٹر بالی ووڈ ادکارہ کی بیٹی کو ڈیٹ کررہے ہیں؟
اس سے قبل بھی مفتی قوی نے ماضی میں ایک مرتبہ اداکارہ پر تنقید کرتے ہوئے کہا تھا کہ وینا ملک اپنے بچوں کے ساتھ بیٹھ کر اپنا بگ باس جیسا شو دیکھ سکتی ہیں؟ اس پر اداکارہ نے کہا تھا کہ میرے بچے میرے کام سے بخوبی واقف ہیں اور وہ میرے ساتھ سب کچھ دیکھ سکتے ہیں۔