شاداب کو مستقبل کی فکر ہوگئی! کوچنگ سیکھنے لگے

قومی ٹیم کے آل راؤںڈر شاداب خان مستقبل کو محفوظ بنانے کیلئے کیرئیر کے دوران ہی کوچنگ سیکھنے لگے۔

گزشتہ روز پاکستان کرکٹ بورڈ (پی سی بی) نے لیول 2 کوچنگ کورس کا لاہور کی نیشنل اکیڈمی میں آغاز کیا، جس میں سابق مینز و ویمنز کرکٹرز سمیت 30 سے افراد حصہ لے رہے ہیں۔

آل راؤنڈر شاداب خان کے علاوہ سابق ٹیسٹ کرکٹر اظہر علی، بلاول بھٹی، نوید لطیف، وہاب ریاض، اسد علی اور یاسر شاہ جیسے نمایاں سابق اسٹارز اس کورس کا حصہ ہیں جبکہ واحد ویمن کرکٹر بسمہ معروف شرکت کررہی ہیں۔

مزید پڑھیں: چیمپئنز ٹرافی؛ کپتانوں کی پریس کانفرنس کب ہوگی؟ روہت بھی آئیں گے

پی سی بی اعلامیہ کے مطابق اتوار 19 جنوری تک جاری رہنے والے اس کورس میں ایڈوانس کوچنگ کی مہارتیں سکھائی جائیں گی، جس میں پاور ہٹنگ، جدید تکنیک اور کھیل کے ٹیکٹیکل پہلو شامل ہیں۔

مزید پڑھیں: چیمپیئنز ٹرافی سے قبل بھارتی کرکٹرز پر بڑی پابندیاں عائد

اس کورس میں کمیونیکیشن اسکلز پر بھی کام ہوگا اور کھلاڑیوں کی ذہنی اور جسمانی طاقت سے متعلق کام کے ساتھ جدید دور کی گیم پلاننگ اور اس پر عمل کرنے کا طریقہ بھی شامل ہوگا۔ یہ کورس سابق ٹیسٹ کرکٹر ثقلین مشتاق اور سابق انٹرنیشنل کرکٹر ڈاکٹر عمران عباس کے ساتھ این سی اے کے کوچز عبدالمجید، افتخار احمد، محتشم رشید، راحت عباس اسدی اور صبور احمد کرائیں گے۔

کورس کے اختتام پر شرکاء کو اپنی اسائنمنٹس مکمل کرنے کیلئے 3 ماہ کا وقت دیا جائے گا، کامیاب شرکاء کو لیول 2 کوچنگ سرٹیفکیٹ بھی دیا جائے گا۔