مقبول خبریں
سکیورٹی فورسز کا شمالی وزیرستان میں آپریشن، 4 خوارج ہلاک

راولپنڈی: سکیورٹی فورسز نے شمالی وزیرستان کے علاقے سپن وام میں خفیہ آپریشن کے دوران 4 خوارج کو ہلاک کر دیا۔
پاک فوج کے شعبہ تعلقات عامہ (آئی ایس پی آر) کے مطابق 14 اور 15 جنوری کی شب سیکورٹی فورسز نے خوارج کی موجودگی کی اطلاع پر انٹیلیجنس بیسڈ آپریشن کیا اور اس دوران خوارج کے ٹھکانے کو مؤثر انداز میں نشانہ بنایا گیا۔
ہلاک خوارج سیکیورٹی فورسز کے خلاف متعدد دہشت گرد کارروائیوں اور بے گناہ شہریوں کی ٹارگٹ کلنگ میں ملوث تھے۔
مزید پڑھیں:سکیورٹی فورسز کا بلوچستان میں آپریشن، 27 خوارجی دہشتگرد ہلاک
سیکیورٹی فورسز کے ساتھ شدید فائرنگ کے تبادلے کے بعد 4 خوارج ہلاک کر دیے گئے۔ ہلاک ہونے والے خوارج سے اسلحہ اور گولہ بارود بھی برآمد کیا گیا۔
آئی ایس پی آر کے مطابق علاقے میں مزید خوارج کے خاتمے کے لیے کلیئرنس آپریشن جاری ہے، پاکستان کی سیکیورٹی فورسز ملک سے دہشت گردی کے ناسور کو جڑ سے اکھاڑ پھینکنے کیلئے پرعزم ہیں۔