مقبول خبریں
امریکی انتخابات؛ ایلون مسک کا برطانوی وزیر اعظم پر مداخلت کا الزام
جی ٹی وی ویب ڈیسک
14 جنوری, 2025 10:47
نئی امریکی حکومت کے مشیر ایلون مسک کا کہنا ہے کہ برطانوی وزیراعظم کا حالیہ امریکی صدارتی انتخابات میں مداخلت کا ارادہ تھا
مہر خبررساں ایجنسی کی رپورٹ کے مطابق، امریکہ کے نو منتخب صدر ڈونالڈ ٹرمپ کے مشیر اور مشہور ارب پتی ایلون مسک نے برطانوی وزیر اعظم کیر اسٹارمر پر امریکی انتخابات پر اثرانداز ہونے کا الزام عائد کیا ہے۔
سوشل پلیٹ فارم ایکس کے مالک نے اپنے اکاؤنٹ پر لکھا کہ برطانوی وزیر اعظم کیر اسٹارمر نے امریکی انتخابات کو نقصان پہنچانے کیلئے ایجنٹوں کو امریکہ بھیجا، برطانوی وزیر اعظم نے امریکہ کے 2024 کے صدارتی انتخابات کے دوران صدر ٹرمپ کی انتخابی مہم کو ناکام بنانے کی کوش کی۔
مزید پڑھیں:ایلون مسک کو سیاستدان کیخلاف ٹویٹس کرنا مہنگا پڑ گیا
مزید پڑھیں:پاکستانیوں پر الزامات لگانے سے ایلون مسک کو منہ کی کھانا پڑ گئی
روزنامہ فنانشل ٹائمز نے ذرائع کے حوالے سے اپنی ایک رپورٹ میں لکھا تھا کہ ایلون مسک نے اپنے اتحادیوں کے ساتھ ملک کے اگلے عام انتخابات سے قبل اسٹارمر کو برطانوی وزارت عظمیٰ سے ہٹانے کی مہم کے بارے میں بات چیت کی۔
ایلون مسک نے دعویٰ کیا کہ کیر اسٹارمر کے خلاف شمالی انگلینڈ میں نابالغ لڑکیوں کے خلاف کئی دہائیوں سے جاری جنسی جرائم کا مقدمہ چلایا جانا چاہیے۔
خیال رہے کہ ٹیسلا کے سربراہ اور امریکی حکومت کے نئے مشیر ایلون مسک پہلے ہی کہہ چکے ہیں کہ برطانوی وزیر اعظم کو استعفیٰ دے دینا چاہیے۔
متعلقہ خبریں
