پی ایس ایل 10: سابق انگلش بولر لاہور قلندرز کے ہیڈ کوچ مقرر

پاکستان سپر لیگ (پی ایس ایل) سیزن 10 کے لیے انگلینڈ کے سابق فاسٹ بولر ڈیرن گف کو لاہور قلندرز کا ہیڈ کوچ مقرر کردیا گیا ہے۔

54 سالہ ڈیرن گف نے گزشتہ سال گلوبل سپر لیگ کے پہلے ایڈیشن میں لاہور قلندرز کے لیے ہیڈ کوچ کے طور پر کام کیا تھا۔

گلوبل سپر لیگ کے دوران لاہور قلندرز کی ٹیم  نے ان کی نگرانی میں غیر معمولی کارکردگی کا مظاہرہ کرتے ہوئے ٹورنامنٹ کے افتتاحی ایڈیشن ہی میں فائنلکے لیے کوالیفائی کیا تھا۔

ڈیرن گف 2020 میں انگلینڈ کے بولنگ کنسلٹنٹ اور یارکشائر کے منیجنگ ڈائریکٹر آف کرکٹ کی حیثیت سے خدمات انجام دے چکے ہیں۔

Hear from our newly appointed Head Coach, Darren Gough 🗣️#QalandarDilSe #DamaDamMast #LahoreQalandars #HBLPSL10 pic.twitter.com/ETyKrdxVAV

— Lahore Qalandars (@lahoreqalandars) January 9, 2025

ایک بیان میں ڈیرن گف نے کہا کہ پی ایس ایل ایک غیر معمولی پلیٹ فارم پیش کرتا ہے، لاہور قلندرز میں کافی ٹیلنٹ موجود ہے اور ہم اپنے مداحوں کی حمایت سے اس سیزن مسابقتی کرکٹ پیش کرنے کا ارادہ رکھتے ہیں۔

ٹیم کے ڈائریکٹر ثمین رانا نے فرنچائز کے ساتھ ڈیرن گف کی پچھلی کامیابی کو تقرری میں ایک اہم عنصر قرار دیا۔