مقبول خبریں
امریکا؛ جنگلات میں لگی آگ سے اربوں ڈالرز کا نقصان، ہزاروں گھر جل گئے
جی ٹی وی ویب ڈیسک
09 جنوری, 2025 09:33
امریکی شہر لاس اینجلس کے مضافاتی علاقے میں موجود جنگلات میں لگنے والی آگ سے 50 ارب ڈالر سے زائد کا نقصان ہو گیا۔
غیر ملکی میڈیا کے مطابق امریکی ریاست کیلی فورنیا کے شہر لاس اینجلس کے مضافاتی علاقے پیسفک پلیسیڈز میں لگنے والی آگ مسلسل پھیلتی جارہی ہے،جس میں اب تک 5 افراد ہلاک ہوچکے ہیں، تاہم 10 ایکڑ پر لگنے والی آگ تیز ہواؤں کے باعث اب کئی ہزار ایکڑ تک پھیل چکی ہے۔
رپورٹ کے مطابق آگ سے اب تک ایک ہزار سے زائد گھر اور کاروباری مراکز راکھ کا ڈھیر بن گئے ہیں۔ آگ کے شعلوں نے التادینا علاقے کی مسجد التقوی کوبھی لپیٹ میں لے لیا جبکہ ہالی وڈ کی مشہور شخصیات کے اربوں روپے مالیت کے گھر بھی تباہ ہوگئے۔
رپورٹ کے مطابق آگ اس قدر ہے کہ اسے بجھانے کیلئے اہلکار اور پانی کم پڑ گیا جبکہ لاکھوں افراد متاثرہ علاقہ خالی کرنے پر مجبورہوگئے۔ ماہرین کے مطابق آگ لگنے کی وجوہات سامنے نہ لائی جاسکیں، تاہم آگ بھڑکنے کی وجہ سے لاس اینجلس شہر کی فضاء خطرناک حدتک آلودہ ہوگئی۔
امریکی میڈیا کا کہنا ہے آگ سے ہزاروں گھر اور کاروباری مراکز جل کر خاک ہوگئے، آگ سے نقصانات کا تخمینہ 50 ارب ڈالر سے بھی زائد ہو چکا ہے۔
دوسری جانب آگ کے باعث علاقہ مکینوں کے گھر چھوڑنے پر لٹیروں کی چاندی ہو گئی، خالی گھروں میں لوٹ مارکے واقعات بھی رپورٹ ہورہے ہیں۔
متعلقہ خبریں
