بابراعظم کو بیٹ کیساتھ معاوضہ بھی ملے گا، مگر کتنا؟

قومی ٹیم کے سابق کپتان اور مڈل آرڈر بیٹر بابراعظم کو ’سی اے‘ کا بیٹ استعمال کرنے پر معاوضے کی تفصیلات منظر عام پر آگئیں۔

میڈیا رپورٹ کے مطابق قومی ٹیم کے مایہ ناز بیٹسمین بابر اعظم نے  انگلینڈ کی کمپنی  گرے نکولس کے ساتھ اپنی طویل شراکت ختم کر کے پاکستان میں کرکٹ کا سامان تیار کرنے والی کمپنی سی اے اسپورٹس کے ساتھ  معاہدہ کرلیا ہے۔

رپورٹس میں انکشاف کیا گیا ہے کہ سابق کپتان نے پاکستانی برانڈ کے ساتھ ایک منافع بخش ڈیل کی ہے جس میں کئی مراعات شامل ہیں۔

سی اے اسپورٹس نہ صرف بابراعظم کو  بیٹ اسپانسر فیس کے سالانہ 7 کروڑ روپے ادا کرے گا بلکہ انہیں نمایاں پرفارمنس پر الگ سے بونس بھی دے گا۔

رپورٹ میں کہا گیا ہے کہ بابراعظم  کو ہر ففٹی اور سنچری پر الگ سے اضافی رقم ملے گی جس سے ان کی  کارکردگی کی حوصلہ افزائی ہوگی۔

واضح رہے کہ 7 کروڑ روپے سالانہ پاکستان کرکٹ کی تاریخ میں کسی بھی بلے باز کا سب سے منافع بخش معاہدہ ہے جو ویرات کوہلی اور جو روٹ جیسے عالمی کرکٹ سپر اسٹارز کے اسی طرح کے معاہدوں کا مقابلہ کرتا ہے۔