پاکستان میں سونے کی قیمت مزید بڑھ گئی

پاکستان میں سونے کی قیمت میں آج بھی مزید اضافہ ہوا جو عالمی مارکیٹ کے رجحانات کی عکاسی کرتا ہے۔

آل پاکستان جیمز اینڈ جیولرز ایسوسی ایشن کے مطابق 24 قیراط کے حامل ایک تولہ سونے کا بھاؤ مزید 1000 روپے بڑھ گیا جس کے بعد فی تولہ سونا 2 لاکھ 77 ہزار روپے پر پہنچ گیا۔

ایسوسی ایشن کے مطابق 24 قیراط کے حامل 10 گرام سونے کی قیمت 857 روپے اضافے کے بعد 2 لاکھ 37 ہزار 483 روپے ہوگئی جب کہ فی تولہ چاندی کی قدر 3350 پر برقرار ہے۔

اس کے علاوہ بین الاقوامی صرافہ مارکیٹ میں دن کے دوران 10 ڈالر کے اضافے سے سونے کا نرخ 2652 ڈالر فی اونس مقرر کیا گیا ہے۔

یہ بھی پڑھیں: مُرغی کے گوشت کی قیمت میں اضافے کی وجہ کیا ہے؟

واضح رہے کہ گزشتہ روز ملک میں فی تولہ سونے کے دام میں 1000 ہزار روپے کا اضافہ ریکارڈ کیا گیا تھا۔