پاکستان کی برآمدات 16 ارب ڈالر سے تجاوز کر گئیں

رواں مالی سال کے ابتدائی 6 ماہ میں ملکی برآمدات میں ریکارڈ اضافہ ہوا، مسلسل بڑھتی برآمدات ملکی معیشت کی بحالی اور حکومتی پالیسیوں کی کامیابی کا منہ بولتا ثبوت ہیں۔

برآمدات کامسلسل بڑھتا ہوا سلسلہ پاکستان کے معاشی استحکام کی مثال ہیں، پاکستان کی برآمدات مالی سال 25-2024 کے چھ ماہ میں 16.5 ارب ڈالر تک پہنچ گئیں، برآمدات میں گزشتہ سال کےمقابلے میں فیصد 10.52 کا ریکارڈ اضافہ ہوا۔

نومبرکے مقابلے میں دسمبر 2024 میں ملکی برآمدات 0.28 فیصد بڑھیں، دسمبر میں برآمدات 2.841 ا رب ڈالر تک پہنچیں، جولائی سے نومبر تک برآمدات 13.6 ارب ڈالررہیں اور 12.5 فیصد اضافہ ریکارڈ کیا گیا۔

مزید پڑھیں:ملکی معیشت کو مضبوط سمجھنے والوں کی تعداد میں اضافہ

مزید پڑھیں:پی ٹی آئی احتجاج کے باعث ملکی معیشت کو کتنے ارب کا نقصان ہوا؟

حکومتی اقدامات برآمدات کےفروغ اورمعیشت کےاستحکام کا اہم ذریعہ ہیں، تجارتی پوزیشن مضبوط کرنے کے لیے حکومتی پالیسیوں نے کلیدی کردار ادا کیا، پاکستان کی برآمدات عالمی منڈی میں مسابقت کے لیے مضبوط بنیادیں فراہم کر رہی ہیں۔

معاشی ترقی اورعالمیُ تجارت میں پاکستان کی شمولیت میں نمایاں پیشرفت ہوئی ہے، حکومت برآمدات کو فروغ دینے کے لیے مراعات ا ور تجارتی سہولیات فراہم کررہی ہے۔

واضح رہے کہ برآمدات میں اضافہ معیشت کو مستحکم کرنے اور زرمبادلہ بڑھانے میں مددگار ہے، عالمی سرمایہ کاروں کو پاکستان میں مواقع سے فائدہ اٹھانے کی دعوت بھی دی گئی ہے۔