بیٹیوں نے باپ کو رسیوں سے باندھ کر آگ لگادی

پنجاب کے ضلع گوجرانوالہ میں دو ناخلف بیٹیوں نے باپ کو رسیوں سے باندھ کرآگ لگادی۔

پولیس کے مطابق آگ سے جھلس کر متاثرہ شخص اسپتال میں داخل ہوا جہاں وہ زخموں کی تاب نہ لاتے ہوئے دم توڑ گیا جب کہ لڑکیوں نے مبینہ طور پر اپنے والد پر زیادتی کا الزام عائد کیا ہے۔

لڑکیوں نے پولیس کو اپنے بیان میں بتایا کہ والد سو رہا تھا جس دوران انہوں نے والد کو رسیوں سے باندھا اور موٹر سائیکل سے پیٹرول نکال کرآگ لگادی۔

پولیس کے مطابق مقتول کی دونوں بیٹیوں کی عمریں 16 اور 12 سال ہیں، مقدمے میں مقتول کی بیٹیوں کے ساتھ دونوں بیویوں کو بھی نامزد کیا گیا، واقعے کا مقدمہ درج کرکے مقتول کی دونوں بیٹیوں کو گرفتار کرلیا گیا ہے۔

پولیس کا بتانا ہے کہ مقتول علی اکبر نے 3 شادیاں کر رکھی تھیں جس سے اس کے دس بچے ہیں۔

حکام نے کہا کہ مقتول کی پہلی بیوی وفات پاچکی ہے جب کہ مقتول 2 بیویوں اور بچوں کے ساتھ کرائے کے مکان میں رہتا تھا۔