خاتون اپنے شوہر اور 6 بچوں کو چھوڑ کر بھکاری کے ساتھ فرار

بھارت میں ایک خاتون اپنے شوہر اور 6 بچوں کو چھوڑ کر بھکاری کے ساتھ فرار ہونے کی انوکھی کہانی سامنے آگئی۔

میڈیا رپورٹس کے مطابق بھارتی ریاست اترپردیش میں ایک شخص نے تھانے میں اپنی 36 سالہ بیوی کی گمشدگی کا مقدمہ درج کرایا ہے۔

راجو نامی شخص نے پولیس کو بتایا کہ محلے بھیک مانگنے کیلئے آنے والے 45 سالہ ننھے پنڈت سے میری بیوی باتیں کیا کرتی تھیں، بعد ازاں وہ دونوں موبائل فون پر بھی باتیں کرنے لگے، میرے منع کرنے کے باوجود بیوی باز نہ آئی۔

راجو نے بیان میں مزید کہا کہ اب میری بیوی گمشدہ ہے، اُس نے گھر سے جاتے ہوئے بڑی بیٹی خوشبو کو بتایا تھا کہ سبزی لینے جا رہی ہوں تاہم واپس نہیں آئی۔

مزید پڑھیں: 2025 سے متعلق خطرناک پیشگوئیاں سامنے آگئیں

پولیس کو بیان میں راجو نے کہا کہ ہم نے اسے ہر جگہ تلاش کیا لیکن وہ نہیں ملی، مجھے یقین ہے وہ بھکاری کے ساتھ بھاگ گئی ہے۔

راجو نے الزام لگایا کہ میری بیوی گھر سے جاتے ہوئے بھاری رقم بھی چرا کر لے گئی جسے میں نے ایک بھینس بیچ کر حاصل کی تھی۔

پولیس واقعہ مقدمہ درج کرکے بھکاری اور راجو کی بیوی کی تلاش شروع کردی تاہم اب تک کوئی کامیابی نہیں مل سکی۔