ٹرمپ کی غزہ سے یرغمالیوں کو نہ چھوڑنے پر ایک بار پھر دھمکی

واشنگٹن: نومنتخب امریکی صدر ڈونلڈ ٹرمپ نے غزہ سے یرغمالیوں کو نہ چھوڑنے پر خطرناک نتائج کی دھمکی دیدی۔

امریکی ریڈیو ٹاک شو میں اپنے پہلے بیان کا حوالہ دیتے ہوئے ڈونلڈ ٹرمپ نے کہا کہ بالکل ایسا ہی ہے میرے اقتدار سنبھالنے تک یرغمالی رہا نہ ہوئے تو نتائج بھگتنا ہوں گے۔

نومنتخب امریکی صدر کا مزید کہنا تھا کہ میں تفصیلات میں جانے پر یقین نہیں رکھتا۔

مزید پڑھیں:جیل ہوئی تو سخت عوامی ردعمل آئے گا، ٹرمپ کی دھمکی

انہوں نے مزید کہا کہ میرا ردعمل دشمن کو صرف "نہیں کرو” کہنے پر مشتمل نہیں ہوگا۔ جیسا صدر بائیڈن غزہ جنگ کے آغاز سے ایسا ہی کر رہے ہیں۔ ڈونلڈ ٹرمپ نے کہا کہ میں اسرائیل کے ساتھ ہوں لیکن امن کے ساتھ بھی ہوں۔

واضح رہے کہ امریکی ایوان نمائندگان کانگریس نے ڈونلڈ ٹرمپ کی بطور امریکی صدر کامیابی کی باضابطہ توثیق کردی ہے۔

خیال رہے کہ  نائب صدر کملا ہیرس نے اعلان کیا تھا کہ نومبر 2024 کے صدارتی انتخاب میں انکے حریف ڈونلڈ ٹرمپ کامیاب رہے۔