ایلون مسک نے نام تبدیل کیوں کیا؟ وجہ سامنے آگئی

ٹیسلا، اسپیس ایکس کے سربراہ ایلون مسک نے عارضی طور پر اپنا ‘نام ‘ تبدیل کیا جس کی وجہ سے کرپٹوکرنسی کی دنیا میں ہلچل مچی۔

دنیا کے امیر ترین شخص ایلون مسک نے اپنے سوشل میڈیا پلیٹ فارم ایکس (سابقہ ٹوئٹر) پر اپنا نام تبدیل کرکے ‘Kekius Maximus’ کیا جس نے قیاس آرائیوں کو جنم دیا۔

‘Kekius’ ممکنہ طور پر لفظ’kek’ سے اخذ کیا گیا ہے اس کا مطلب ‘زور سے ہنسنے’ کے مترادف ہے جسے آن لائن گیمنگ کلچر میں کافی مقبولیت ملی لیکن اب اکثر اسے انتہا پسند دائیں بازو کے نظریات سے جوڑا جاتا ہے۔

مزید پڑھیں:کیا امریکا دیوالیہ ہونے جا رہا ہے؟ ایلون مسک نے انکشاف کردیا

ایلون مسک نے ایکس پر پروفائل پکچر بھی تبدیل کی اور  مشہور کامیک کریکٹر ‘Pepe the Frog’ کی تصویر لگائی۔ یہ ایک میم کریکٹر بھی ہے جسے دائیں بازو کے گروپوں نے کافی استعمال کیا۔

اس کے علاوہ ‘Kek’ قدیم مصری دیوتا کا نام بھی ہے جو اندھیرے کا دیوتا مانا جاتا ہے، اور اسے بعض اوقات مینڈک کے سر کے ساتھ دکھایا جاتا ہے۔